Atlantikoq qulaallugu timmisartuussinissat teknikikkut ajornartorsiuteqartoqarmat taamaatinneqartut

Københavnip Nuullu akornanni sisamanngornermi timmisartuussinissat taamaatinneqarput. Københavnimut angalasut Nuummi akunnittarfinni inissat killeqarmata namminneq unnuiffissarsiussasut, Air Greenlandimiit nalunaarutigineqarpoq.

Toqqorsivimmit: Leiff Josefsen

Thomas Munk Veirum Thomas Munk Veirum Tusagassiortoq

Saqqummersinneqarpoq 4. Juuni 2026 - 13:16

Atlantikoq qulaallugu timmisartumi Tuukkami teknikkikkut ajornartorsiuteqartoqarnera pissutigalugu ullumi timmisartuussinerit GL781 aamma GL782 Københavnip Nuullu akornanniittut taamaatiinnarneqarallarput, Air Greenland ilisimatitsivoq.

Angalasut eqqugaasut pilersaarutinik nutaanik nassissorneqarlutillu ilisimatinneqareertut, aamma paasissutissiissutigineqarpoq.

Taakku Wamosip timmisartua A330-200 atorlugu aqagu tallimanngornermi juunip tallimaanni angalasapput.

Ussassaarut

Angalasut namminneq unnuiffissarsiussasut

Nuuk aqqutigalugu angalasut Københavnimut ingerlaqqittussat namminneq unnuisarfissaminnik ujarlertariaqartut, Air Greenlandimiit aamma erseqqissaatigineqarpoq.

- Tamanna Nuummi maannakkut unnuisarfiit annertuumik amigaataanerannik pissuteqarpoq. Pissutsit taakku Air Greenlandip iliuuseqarfigisinnaanngilai, Air Greenlandimiit allapput.