Malugiuk: Allaaserisaq toqutsinermi suliami paasissutissanik sakkortuunik imaqarpoq. Allaaserisaq mianersuullugu atuagassaavoq.
Angut 42-nik ukiulik Eqqartuussisoqarfik Sermersuup initaani 3-mi ataasinngornerup ullaavani issiavoq. Unnerluussisussaatitaasoq taanna toqutsisuusoq isumaqarpoq, Danmarkimilu tarnimikkut nappaatillit katsorsartittarfianniittussanngortikkusullugu.
Malugiuk: Allaaserisaq toqutsinermi suliami paasissutissanik sakkortuunik imaqarpoq. Allaaserisaq mianersuullugu atuagassaavoq.
Angut 42-nik ukiulik Eqqartuussisoqarfik Sermersuup initaani 3-mi ataasinngornerup ullaavani issiavoq. Unnerluussisussaatitaasoq taanna toqutsisuusoq isumaqarpoq, Danmarkimilu tarnimikkut nappaatillit katsorsartittarfianniittussanngortikkusullugu.
Unnerluutigineqartoq angummut 20-nik ukiulimmut, Nuummi Blok 5-imi toqqorsivimmi oktobarip sisamaani 2024-mi nassaarineqartumut, toqutsisimasutut pinngitsuunerarpoq.
Angut inuusuttoq niaqqumigut arlaleriarluni atortulerluni anaalerneqarnini qaratsamigut aanaartoorutigaa. Siminti aqqusinniorluni qallersuinermi atorneqartartoq sumiiffimmi nassaarineqarpoq.
Unnerluussisussaatitaasoq Aprilia Jespersen politiit misissuinerminni DNA atorlugu unnerluutigineqartoq 42-nik ukiulik nassaarisimasaat oqarpoq. Taamaattoqartinnagu angutit sisamat allat politiinit aamma paasiniaaffigineqarnikuupput.
Madraasit aaginnaat
Toqusup nassaarineqarfiata saniani toqqorsivimmiittut madraasit aaginnaat, aammallu serparneqarsimasut assini takuneqarsinnaapput. Aap serparfiani angutip 42-nik ukiullip inuaasa ipaat nassaarineqarsimasut unnerluussisussaatitaasup oqaluttuaraa.
Unnerluutigineqartup DNA-va matup tigumiaani toqusullu assaani aamma nassaarineqarsimapput. Pinerluttoqarsimaneranik misissueqqissaartartoq ilisimannittutut aggersarneqarluni itisiliivoq.
Politiit unnerluutigineqartoq toqutsisiasutut siusinnerusukkut pineqaatissinneqarnikuuneranit paasissutissat pigisaminni inuaasa ipaat DNA-valu nassaarisinnaasimagaat, unnerluussisussaatitaasoq paasissutissiivoq.
Unnerluutigineqartoq nipaarluusoq
Angut 42-nik ukiulik pisuunnginnerarpoq maannamullu oqaaseqarusugani. Unnerluutigineqartoq eqqartuussivimmi apeqqutinik akissuteqarusugani pisinnaatitaaffeqartarpoq, unnerluussisulli pineqartup pinerlussimanera uppernarsarniartussaallugu.
Unnerluutigineqartorlu siusinnerusukkut killisiorneqarnermini oqaaseqarnikuuvoq.
Blok 5-imi inimik toqqorsivimmik atuisimalluni sinissimallunilu uppernarsarpaa. Aamma tallimanngornermi oktobarip sisamaani 2024-mi allat ilagalugit tassaniinerminni inuk sinittoq takusimariarlugu matu matusimallugu oqaluttuarinikuuaa. Aammilli takusaqarsimanani taamani oqarpoq.
Angut toqutsisimasutut unnerluutigineqarnermi saniatigut 2024-mi juulimi Nuussuarmi arnamik niaquatigut tillussisimasutut unnerluutigineqarpoq. Angut pisumi tassani aamma pinngitsuunerarpoq.
