USA-p præsidentia Donald Trump Davosimi nunarsuaq tamakkerlugu Aningaasaqarnikkut Isumasioqatigiinnermut peqataajartorluni ingerlaartillugu kongressimi ilaasortat Republikanerit arlallit — ilaatigut Andy Ogles, Anna Paulina Luna aamma Abe Hamadeh — Kennedy Centerimi aaqqissuussamut peqataapput. Taakku pingasut Trumpimut tapersersuisutut ilisimaneqarput, Republikanerillu partianni Trumpimut inussiarnersuni ilaasutut taaneqartarlutik.
Amerikamiut atuagassiaanni The New Republic-imi aaqqissuussineq “Republikanerit inuiaqatigiinnik nutarterinissamik suliniuteqartut aaqqissuussaatut taaneqarpoq. Tassani aamma Anna Paulina Luna, Andy Ogles aamma Abe Hamadeh kaagimik avissisut videoliarineqarsimapput.
USA-p præsidentia Donald Trump Davosimi nunarsuaq tamakkerlugu Aningaasaqarnikkut Isumasioqatigiinnermut peqataajartorluni ingerlaartillugu kongressimi ilaasortat Republikanerit arlallit — ilaatigut Andy Ogles, Anna Paulina Luna aamma Abe Hamadeh — Kennedy Centerimi aaqqissuussamut peqataapput. Taakku pingasut Trumpimut tapersersuisutut ilisimaneqarput, Republikanerillu partianni Trumpimut inussiarnersuni ilaasutut taaneqartarlutik.
Amerikamiut atuagassiaanni The New Republic-imi aaqqissuussineq “Republikanerit inuiaqatigiinnik nutarterinissamik suliniuteqartut aaqqissuussaatut taaneqarpoq. Tassani aamma Anna Paulina Luna, Andy Ogles aamma Abe Hamadeh kaagimik avissisut videoliarineqarsimapput.
Videomi MAGA-mik tapersersuisoq kalaaleq Jørgen Boassen saqqummerpoq, Kujataamiuuninilu oqaatigereermagu Andy Oglesip kaagimik avissivaa.
Politikeri Rumæniameersoq peqataasoq
Republikanerit Kongressimi ilaasortaatitaasa saniatigut, Romaniamiu politikeri George Simion videoliami aamma takuneqarsinnaavoq. Taanna partiimi AUR-imi (Alliance for the Union of Romanians-imi) siulittaasuuvoq nunanilu tamalaani tusagassiuutinit Ruslandimik tapersersuisutut oqaatigineqartarluni.
Taanna aamma kaagimit avissimmat, eqqaaniittunit videoliarineqarpoq pisorlu oqaaseqarfigineqaqattaarluni.
Politico-mi allaaserisaq naapertorlugu George Simion 2025-mi Romaniami præsidentimut qinersinermi ajorsarpoq, Ruslandimullu kilitsissiatut pissusilersornerarlugu unnerluutigineqarluni. Aallaallumi Ukrainemut iseqqusaajunnaarluni „unionistit isumaliutersuutaat Ukrainep naalagaaffiata killeqarfiisa inatsisitigut akuerineqarsinnaannginnerannik tunngavilik“ siuarsaramiuk, soorlumi Politico-mi taama allaaserinnittoqartoq.
Isornartorsiorneqartorujussuusoq
The New Republic-imi Europa Kommissionimut siunnersortip Antoine Bondazip isornartorsiuinera aamma ilanngunneqarpoq, taannalu inoqatinut attaveqaqatigiittarfitsigut allalluni videoliaq takutitsinerarlugu USA-miut ilaasa Nunarput Kalaallillu „kaagitut qungujulallutik illaruaatigalugu aggorneqarsinnaasutut“ isigigaat. Imalu nangilluni: “Utoqqatseraluarpunga, unali ataqqinninnginnerujussuuvoq naakkinaannartutullu taaneqarsinnaalluni.”
The New Republic-imi Fred Guttenberg, Amerikamiu isummaminik siammarterisartoq, inoqatinut attaveqaqatigiittarfitsigut qisuariartoq aamma issuarneqarpoq. Taanna allappoq, “Putin-ip tamanna nalliuttorsiutigissavaa” peqataasullu “aqunneqartuusut”, oqaatigalugillu “USA-mik Putinimut tunniussisutut.
