Ilulissani aalisartut aasaanerani aalisarlualeraangata illoqarfimmi erngunnerujussuaq pisartoq, Avannaata Kommuniani borgmesteri Lars Erik Gabrielsen immiussami (S) Facebookkimi quppernermini sapaatiummat saqqummiussamini oqarpoq.
- Imaani inuussutissarsiuteqartuni annertunerusumik qalluisoqaleraangat illoqarfinnguatsinni erngunneq ersarissupilussuanngortarami, Lars Erik Gabrielsen oqarpoq.
Ilulissani aalisartut aasaanerani aalisarlualeraangata illoqarfimmi erngunnerujussuaq pisartoq, Avannaata Kommuniani borgmesteri Lars Erik Gabrielsen immiussami (S) Facebookkimi quppernermini sapaatiummat saqqummiussamini oqarpoq.
- Imaani inuussutissarsiuteqartuni annertunerusumik qalluisoqaleraangat illoqarfinnguatsinni erngunneq ersarissupilussuanngortarami, Lars Erik Gabrielsen oqarpoq.
Sermitsiap borgmesterip taama oqarnera pillugu apersorumallugu attaveqarfigaa. Taassumali allaaserisap suliarineqarnerata nalaani allanik ulapputeqarnerarluni, apersorneqarsinnaanngikkallarnini Sermitsiamut oqarasuaatikkut ilisimatitsissutigaa.
Borgmesterip isumaa naapertorlugu aasaanerani ernguterujussuarneq ukiuunerani aningaasamiilernermik malitseqartarpoq.
- Erngulluni assorujussuarlu aningaasanik atuinermi ukiuunerani sussaarussimaarneq takkuttarpoq, Lars Erik Gabrielsen oqarpoq.
Taassuma nalilikkani, tassa aasaanerani aalisarluartoqartillugu ernguttoqarujussuartarnera, qimakkiartorneqassasoq neriuutigigaluarpaa.
- Inuusuttorpassuimmi aningaasarpassuillu tassaniimmata (aalisarnermi, aaqq.), borgmesteri oqarpoq.
KNAPK: Kusanaak
Kalaallit Nunaanni aalisartut piniartullu kattuffiini ilaasortaqarnerpaami KNAPK-mi siulittaasup, nunatsinni kommunit avannarlersaanni borgmesterip aalisartut pillugit taama naliliinera nuannarinngilaa.
- Aalisarluarnerup nalaani taamatut pisoqartarneraalluni aalisartunut tutsitsiniaasoqarnera assorujuk uggorivara. Borgmesterip avammut taamatut suaaruteqarnera assut kusanaagivara, Pele Blytmann Sermitsiamut oqarpoq.
Taassuma aalisarluarneq peqqutaalluni aalakoornartortalinnik imernerusoqartarnera ilisarisinnaanngilaa.
- Uanga ilisarisinnaanngilara. 1980-ikkunnili imaani inuussutissarsiulerpunga, siulittaasoq oqarpoq.
Pele Blytmannip naliliinera naapertorlugu aningaasarsiffinni, qaammatit suut naaneri apeqqutaanatik - aamma ukiukkut erngunnerujussuaq - takussaasarpoq. Tamannalu aalisartunit aallaaveqanngitsoq taanna isumaqarpoq.
