Ilulissani maanna mittarfiusup kujatinnguani, Itisuarsummi, takkajaanik tummeqqanik nutaanik takusassaqarpoq. Tummeqqat taakkua najukkami sanasut, EJ Sanasut ApS-ip, sanaartorpai, Avannaata Kommunia sanaartortitsisuulluni.
Tummeqqat taakkua aqqusinermit immap killinganut killeqarput. Itisuarsummi puttasoqalerpat puttasunut aqqutaassasut, borgmesteri oqarpoq.
Ilulissani maanna mittarfiusup kujatinnguani, Itisuarsummi, takkajaanik tummeqqanik nutaanik takusassaqarpoq. Tummeqqat taakkua najukkami sanasut, EJ Sanasut ApS-ip, sanaartorpai, Avannaata Kommunia sanaartortitsisuulluni.
Tummeqqat taakkua aqqusinermit immap killinganut killeqarput. Itisuarsummi puttasoqalerpat puttasunut aqqutaassasut, borgmesteri oqarpoq.
- Atorneqartussaapput kikkunnit tamanit, taamaallaat aalisarnermik inuussutissarsiuteqartuniunngitsoq. Ilaluarinngilagut, kisianni mittarfiup nalaaniikkamik taamaalillunilu aalisariutinit atorneqarsinnaanatik sumiiffiup timmiaqalersinnaanera pissutigalugu, Lars Erik Gabrielsen (S), Sermitsiamut oqarpoq.
Puttasoqarfissaq mittarfiup mittarfissuassallu ungasinngisaaniippoq, taamaattumik sillimaniarnermut allanullu tunngasutigut killilersuutaasinnaasut suliami uani malinneqassasut borgmesteri aamma oqarpoq.
Tummeqqiat qanoq akeqarnersut kommunimi borgmesterip ilisimanngilaa. Tummeqqat naaneranni puttasut talittarfiusussat inissinneqartussaapput.
Assi: Andreas Wille
Borgmesteri: Aki ilisimanngilara
Tummeqqat naliginnaanngitsumik takissusillit kommunimut qanoq akeqarnersut politikkikkut akisussaanerpaap akissutissaqartinngilaa. Taassumali oqarnera naapertorlugu tummeqqat taakkua missingersuutinit akilerneqaratik kommunip ingerlatsinermut aningaasartuutaanit akilerneqassapput.
- Kisitsisitaqqissaava ilisimanngilara. Kisianni atorfillit nalunngilaat. Taanna ilisimanagu oqaatigisariaqarpara. Kisianni ingerlatsinermik suliarineqarsinnaasutut naliliiffigineqarnikuugamik suliaralugit aallartinneqarnikuupput, Lars Erik Gabrielsen oqarpoq.
Sermitsiap Avannaata Kommuniani pisortaaneq, Nick Nielsen, borgmesterip atorfilinnut innersuussereernerata kingorna attaveqarfigaa. Taassumali apeqqut, tummeqqat akiinut tunngasoq, teknikkimut pisortap akissagaa oqaatigaa.
Sermitsiap innersuunneqartoq attaveqarfigigaluarpaa allaaserisalli suliarineqarnerani tassanngaanniit akisoqanngilaq.
Illuatungiliuttut suleriaaseq apeqquseraat
Demokraatineersoq, Niels Erik Bro, kommunalbestyrelsimut aammalu teknikkimut ataatsimiititaliamut ilaasortaavoq.
- Isumaqarpunga missingersuutinik inissiisimanani suliniummik taamatut aallartitsineq eqqarsarnartupilussuusoq, Niels Erik Bro Sermitsiamut oqarpoq.
Taassuma naliliinera naapertorlugu suliaq teknikkimut ataatsimiititaliakkoorsimasussaagarluarpoq, tamannali pisimannngitsoq taanna aamma oqarpoq.
Illuatungiliuttuneersup suliniuteqartoqarnera qujarukkaluarpaa, sulialli suliarineqarnera pitsaanerusariaqartutut isigalugu. Assersuutigalugu ataatsimiititaliamik susassaqartumik peqateqarnikkut aammalu suliamik aallartitsinnginnermi missingersuusiornikkut.
Taassumattaaq aamma ataatsimiititaliap peqataatinneqannginnerata kingunerisaanik tummeqqiorneq aningaasatigut qanoq inerneqassanersoq ilisimanngilaa.
- Sumut killissanerluta naluarput, tamannalu uanga isumaga naapertorlugu ajornartorsiuterujussuuvoq, Niels Erik Bro oqarpoq.
