ULLORMUT NALUNAARUSIAQ
Bussit illiniliuullu aportut Uummannamilu tillinniartoqartoq
Kalaallit Nunaanni Politiit ullormut ulappupput. Nuummi mittarfiup aqqutaani ataasinngornermi ullup-qeqqata missaani ajutoortoqarnera paatsiveerutsitsivoq, avannaanilu sunngiffimmi ornittakkamut tillinniartoqarluni.
Politiit suliamik misissuipput.
Assi: Imago / Ritzau Scanpix
Kalaallit Nunaanni Politiinut nalinginnaanngitsumik ulapaarsimaqaat.
Nuummi bussit illiniliuullu ataasinngornermi nalunaaqutaq 12.00 mittarfiup aqqutaani aporput.
Atortunik ajoqusertoqaraluartoq inunnikq qujanartumik ajoqusertoqanngitsoq politiit paasissutissiipput. Aportoqarnerani suna pissutaasimanersoq politiit maanna oqaaseqarfigeqqissinnaanngilaat.
Sunngiffimmi ornittakkamut tillinniartoqartoq
Uummannami sunngiffimmi ornittakkamut sapaammi marsip arfineq-pingajuani ataasinngornermilu marsip qulingiluaata akornanni tillinniartoqarneranik politiit maannakkut misissuipput - unnuami taarnerani pisimanissaa ilimagineqarpoq.
Politiit ippassaq ataasinngornermi nalunaarfigineqarput.
- Suliaq misissuiffigaarput, maannakkulli sukumiinerusumik oqaaseqarsinnaanngilagut, politiiniit Aputsiaq Hansen oqarpoq.
Nuna tamakkerlugu ulloq ulapaarfiusoq
Politiit suliat taakku marluk saniatigut ullup ingerlanerani sulianik allanik aamm ulapputeqarput. Aserorterinerniit peqquserlunnerniillu ilungersunarnerusunut, soorlu nakuusernerit, angerlarsimaffimmi eqqissiviilliortnerit iminullu toqqunnissamik sioorasaarinerit.
Aamma aqqusinermi eqqissiviilliortoqarnera nalunaarutigineqarpoq. Politiit misissuineq pinerluuteqartullu pillugit paasissutissanik annertunerusumik maanna saqqummiussisinnaanatik ilisimatitsipput.
