Danskit peqatigiiffiat kalaallit angerlarsimaffeqanngitsut 67.000 koruunit nalinginut sinngup puussaannik pisisoq

Suliniut “Hjælp din næste” (tullit ikioruk, aaqq.) Nuummi angerlarsimaffeqanngitsunut ukiuunerani atisanik siniffissanillu pisinissamut suli aningaasanik katersivoq.

Nuummi angerlarsimaffeqanngitsut arlallit tuperni sinittarput. Una 2025-mi marsip qaammataani aputaannarmi tupersimasoq assimi takuneqarsinnaavoq. (Toqqorsivimmit assi)

Assi: Odd Andersen/AFP/Ritzau Scanpix

Hanna Hviid Hanna Hviid Tusagassiortoq

Saqqummersinneqarpoq 25. Oktobari 2026 - 09:48

Ussassaarut

Danskit ikiuiniaqatigiiffiat ”Hjælp din næste” 67.000 koruunit nalinginut Nuummi angerlarsimaffeqanngitsut sinngup puussaannik pisivoq.

Taakku Facebookimi quppernerminni taama allapput.

Niuertarfimmi Eventyrsportimi issittumi sinngup puunik issittumut naleqqussakkanik sisorarnermillu atisanik iluatiguunik pitsaasunik pisisimapput.

- Eventyrsportip ikiuineratigut ullumikkut siniffissanik ukiuuneranilu atisassanik 144.000 koruunit sinnerlugit nalilinnik tunineqarpugut! Taakkununngalu 67.485 koruuninik akiliivugut!

Aningaasat peqatigiiffimmut tunissutaapput, taamaammallu siniffissanik ukiukkullu atisanik katillugit 120.000 koruuninik naleqartunik pisisinnaaniassammata inuit tunissuteqarnissaannik kajumissaarneqarput.

- Kalaallit Nunaanni angerlarsimaffeqanngitsut ukioq manna ikioqatigiilluta ikiortigit.

Ussassaarut

Suliniaqatigiiffik aatsaat Kalaallit Nunaanniilinngilaq. Instagramimi ikkussaq naapertorlugu angerlarsimaffeqanngitsunut sinngup puunik, alersinik oqortunik, nasanik qungasequtinillu agguaassillutik qaammatit arfineq-marluk matuma siorna Nuummiipput.