DMI: Anorersuarujussuaq kangimut ingerlaartoq

Kunngit pingasut ulluanni januaarip arfernani nunap ilaani arlalinni anorersuassaaq.

Kujataa anorersuarpoq, maannalu DMI-p Tasiilami marlunngornermi unnukkut kategori 2-mik anorersuarnissaa ilimasaarutigaa.

Tasiilami marlunngornermi nalunaaqutaq unnukkut arfineq pingasuniit, pingasunngornermi nalunaaqutaq ullukkut ataatsip tungaanut siallissammat mianersoqqussuteqartoqarpoq.

DMI-p ilimagaa kangianiit anorersuaq 25-28 m/s-imik sakkortussuseqassasoq, anoraasuartarneranilu 33-35 m/s-imik sakkortussuseqarluni.

Kujataani (nalunaaqutaq ataatsip tungaanut) Paamiunilu (nalunaaqutaq arfernup tungaanut) anorersuarnissaanik ilimasaaruteqartoqareerpoq.

Aammattaaq Danmark ukiukkut nalinginnaanngitsumik silassaqarpoq. DMI-p naatsorsuutigaa pingasunngornerup ingerlanerani Jyllandip avannaani anorersuarnissaa.