MALUGIUK: Allaaserisaq toqutsisoqarnikuuneranik oqaluttuanik sakkortusinnaasunik imaqarpoq. Allaaserisaq mianersortumik atuarneqassaaq.
Sermersuup eqqartuussiviani Blok 5-imut suliamut tunngatillugu ullut pingajuanni immikkut ilisimasallit pingasunngornermi ullaap tungaa killisiorneqarput. Naalagaaffiup toqungasunik misissuisartua tusarfigereeratsigu pinerluttoqarsimatillugu misissueqqissaartartoq tullinnguuppoq.
MALUGIUK: Allaaserisaq toqutsisoqarnikuuneranik oqaluttuanik sakkortusinnaasunik imaqarpoq. Allaaserisaq mianersortumik atuarneqassaaq.
Sermersuup eqqartuussiviani Blok 5-imut suliamut tunngatillugu ullut pingajuanni immikkut ilisimasallit pingasunngornermi ullaap tungaa killisiorneqarput. Naalagaaffiup toqungasunik misissuisartua tusarfigereeratsigu pinerluttoqarsimatillugu misissueqqissaartartoq tullinnguuppoq.
Pinerluttoqarsimatillugu misissueqqissaartartoq ujarak siusinnerusukkut oqaluuserineqartoq pillugu ilaatigut oqaaseqarpoq.
Ujarak angutip inuusuttup toqutaasimasup toqqorsivimmi nassaarineqartup aavanik dna-vanillu nassaarfigineqarsimavoq. Taamaammat DNA alla ujaqqamiittoq unnerluussamit 42-nik ukiulimmeersuussaguni uppernarsaataalluarsinnaavoq.
Iluamilli paasineqarsinnaanngitsoq matumani inerniliunneqarpoq. Unnerluutigineqartup dna-va ujaqqamiinnersoq misissuinerit takutissinnaanngilaat.
- Tassa imaappoq, paasisaqarfigineqanngilaq. Tamanna kialluunniit DNA-risinnaaneranik takussutissiiginnarpoq, pinerluttoqarsimatillugu misissueqqissaartartoq oqarpoq.
DNA kisimi naammanngilaq
Pinerluttoqarsimatillugu misissuisartup unnerluussisussaatitaasut illersuisullu apeqqutaat arlallit ersarissumik akiumanngilai. Ilaatigut dna-p ujaqqami qanoq sivisutigisumik atasinnaanera aamma dna-p madrassinit tujuuluaqqanut nuussimasinnaanera pillugu.
- Pisut assigiinngitsut takorloorneqarsinnaapput, taanna oqarpoq.
Eqqartuussinermi suliamilu illuatungeriit pinerluttoqarsimatillugu misissueqqissaarnermi paasissutissanut tunngatillugu unammillernartissinnaasaasa paatsoorsinnaasaasalu ilaat itisiliiffigai. DNA-llu paasissutissanut allanut atassuteqarnissaat erseqqissarpaa.
Pinerluttoqarsimatillugu misissueqqissaartartoq killisiorneqareermat politiit ilisimannittutut killisiorneqartussanngorput. Toqutsinerup kingorna inuit arlallit ujaarineqarsimasut politiip uppernarsarpaa. Teknikkikkulli paasissutissat tunngavigalugit angut 42-nik ukiulik unnerluutigineqarpoq, taassumalu inuaasa ippaasai pinerluffiusumi aagasattumi takuneqarsinnaasimapput.
Unnerluutigineqartoq Blok 5-imi toqqorsivimmi toqungasup timaata nassaarineqarneranit ullut arfineq-pingasut qaangiuttut 2024-mi oktobarip 12-ani tigusarineqarpoq.
Eqqartuussivimmili oqaaseqarusunngisaannarlunilu eqqartuussinerup nalaani eqqissisimalluinnarpoq.
Ilisimannittut killisiorneqarnerat kingulleq pingasunngornermi naammassineqassaaq, suliarlu ataasinngornermi nanginneqassaaq.
