Dronning Margrethe angerlartinneqarpoq eqqissisimaassallunilu
Dronningi Margrethe ataasinngormalli napparsimmavimmut unitsitaasoq maanna angerlarpoq. Ajunngilaq, eqqissisimaarlunilu.
Dronning Margrethe Nuummut 2021-mi oktobarimi tikeraarpoq. Tassani Katuami nereqatigiinnermut peqataavoq, innuppassuillu kulturikkut illorsuarmut apuunnerani takorusullugu ornigupput. Dronningi Rigshospitalimiit tallimanngormat ullup qeqqata kingorna angerlartoq, kunngikkormiut ilisimatitsipput.
Assi: Leiff Josefsen
Dronning Margrethe Rigshospitalimi uninngareerluni tallimanngornermi ullup-qeqqata kingorna angerlarpoq.
Kunngikkormiut nalunaaqutaq 13.00 tusagassiuutitigut nalunaarummi allapput.
Fredensborg Slotimut angerlartoq paasissutissiissutigineqarpoq.
- Ataqqinartorsuaq ajunngilaq, kisiannili napparsimmavimmit maajip 19-iani angerlarnermisut eqqissisimaassalluni, kunngikkormiut allapput.
Uummaserilluni tassani unitsinneqarpoq, kingornalu uummataata taqarsuatigut ballonilerlugu suliarineqarluni. Maajip 14-ianni unitsitaagami maajip 19-ianni angerlaqqippoq.
Dronningi sapaatip-akunnerani matumani ataasinngornermi tarrarsorneqarnerani siffiaata nalaani aak annertuumik katersuussimasoq paasineqarmat napparsimmavimmut unitseqqinneqaqqippoq.
Siusinnerusukkut orlunikuuneraniit taamaattoqartoq kunngikkormiut ilisimatitsipput.
Dronningi ajunngitsoqa tusagassiuutitigut ataasinngormat nalunaarutigineqarpoq.
Aamma "ulluni arlalinni" napparsimmavimmiissasoq. Tallimanngornermilu tassa angerlartinneqartoq aamma paasissutissiissutigineqarpoq.
Maannamut ullorsiutaani pisussat allannguuteqanngillat, "najuussinnaanerali ataavartumik nalilersorneqartassasoq", allassimavoq.
Dronning Margrethep pilersaarutai naapertorlugit pisussat tullii tassaapput juunip arfernani ikaartarfiup nutaap, dronningimut atsiunneqartoq, nalliuttorsiutigineqarnerani peqataassaaq.
/ritzau/
