Kalaallit Nunaanni Eqqartuussiviup sisamanngornermi juunip sisamaani Aalisarnermut Piniarnermullu Naalakkersuisoqarfimmit soraarsitsinermik suliaq aalajangiivigaa. Naalakkersuisoqarfiup apriilimi 2025-mi Malik Peter Koch Hansen fuldmægtigitut atorfeqartoq soraarsippaa.
Malik Peter Koch Hanseni suliassanngortitsivoq, sisamanngormallu sulisitsisorisimasaa soraarsitsinissamut tunngavissaqanngitsoq eqqartuussiviup uppernarsarpaa. Nammineq saqqummernissani aalajangerpaa:
Kalaallit Nunaanni Eqqartuussiviup sisamanngornermi juunip sisamaani Aalisarnermut Piniarnermullu Naalakkersuisoqarfimmit soraarsitsinermik suliaq aalajangiivigaa. Naalakkersuisoqarfiup apriilimi 2025-mi Malik Peter Koch Hansen fuldmægtigitut atorfeqartoq soraarsippaa.
Malik Peter Koch Hanseni suliassanngortitsivoq, sisamanngormallu sulisitsisorisimasaa soraarsitsinissamut tunngavissaqanngitsoq eqqartuussiviup uppernarsarpaa. Nammineq saqqummernissani aalajangerpaa:
– Sulisumik patsisissaqanngitsumik soraarsitsineq ingasattajaarneruvoq, sukkasuumillu pisumi kisimiilernarpoq. Namminersorlutik Oqartussani pisortat sulisuminnik soraarsitsigaangata, tamanna pitsaasumik nassuiaatissaqassasoq amerlasuut eqqarsartarput, Malik Peter Koch Hansen oqarpoq.
Nangipporlu:
– Taamaammat suliassanngortitsisariaqarsimavunga. Imminut illersorniarlunga aammalu allat taamatut inissisimasut taamatut iliuuseqarfigineqarnermik akuersaartariaqannginnerannik takutikkusullugit. Taamaammat soraarsitsinerup tunngavissaqannginneranik eqqartuussiviup uannut ilumoorneraanera soorunami nuannaarutigisorujussuuara.
2025-mi Malik Peter Koch Hansen ullualunni suliartuunngitsoornermigut pisussaaffimminik sakkortuumik sumiginnaasimasoq tunngavilersuutigalugu Naalakkersuisoqarfiup Malik Peter Koch Hansen soraarsippaa.
Kalaallilli Nunaanni Eqqartuussiviup sakkortuumik pisussaaffimmik sumiginnaasoqarsimannginnera aalajangerpaa. Hansen piffissap ilaani sulisitsisuminut sulinnginnerminik tassungalu patsisaasumik nalunaarsimanera eqqartuussisup ilaatigut oqaatigaa. Taamaammallu eqqartuussineq malillugu soraarsitsineq tunngavissaqanngilaq.
Aningaasarsiassani pissavai, taarsiivigineqassanngilarli
Naalakkersuisoqarfik Malik Peter Koch Hansenimut 100.000 koruuningajannik akiliissasoq eqqartuussiviup aalajangerpaa. Tamanna qaammatini pingasuni soraarsitaanissamut piffissaliussami aningaasarsiassaasa naligaat.
Tamatumali qaavatigut taarsiivigineqarnissamut pisinnaatitaaneranik eqqartuussiviup suliassanngortitsisoq isumaqatiginngilaa. Tassani Malik Peter Koch Hansenip atorfimmi pineqartumi ukiumi ataatsimi atorfeqarsimannginnera sunniuteqarpoq. Tamanna atorfillit inatsissat malillugu pitsaanerusumik inissisimalersittussaagaluarpaa.
Sisamanngormat aalajangiinerup kingorna illuatungeriit Kalaallit Nunaanni Eqqartuussivimmut suliamik ingerlatitseqqinnissaq kissaatiginerlugu eqqarsarfissaqarput. Malik Peter Koch Hansenip taarsiivigineqarnissamut tunngatillugu ingerlatitseqqiinissaq isumaliutigalugu uppernarsarpaa.
Sermitsiap Aalisarnermut Piniarnermullu Naalakkersuisoqarfik attavigaa. Naalakkersuisoqarfiup suliap Kalaallit Nunaanni Eqqartuussivimmut ingerlateqqinnissaa kissaatigineraa apeqqutigaarput.
– Naalakkersuisoqarfiup eqqartuussissut tigusimallugu uppernarsarsinnaavaa, sukumiisortaali misissorluaqqaarlugit ingerlatitseqqiisinnaaneq misissorneqassasoq, allakkatigut akissummi allassimavoq.
