KL

DK

Frankrigip Nuummi konsulateqarfimmik ammaanissani ullulerpaa

Frankrigip Nuummi konsulateqarfimmik ammaanissamik ulluliinera Danmarkip Kalaallit Nunaatalu USA-mik ullumi ataatsimeeqateqannginnerani nalunaarutigineqarpoq.

Ritzaus Bureau Ritzaus Bureau
Saqqummersinneqarpoq

Frankrig Kalaallit Nunaanni generalkonsuleqarfimmik februaarip arfernani ammaassaaq.

Nutaarsiassaqartitsivik Reuters naapertorlugu Frankrigimi nunanut allanut ministeri Jean-Noël Barrot taama oqarpoq.

Taama nalunaaruteqartoqarpoq pingasunngornermi ullaakkut, Kalaallit Nunaata, Danmarkip USA-llu akornanni ilungersunartumik inissisimasoqarnerani. Tassa amerikamiut præsidentiata Donald Trumpip isumannaallisaanikkut pissutsit eqqarsaatigalugit Kalaallit Nunaannik tiguaaniarluni oqariartuuteqaqattaarnerata kingorna.

- Nato-mut ilaasortamik allamik saassussinissaq silatusaarnerussanngilaq. Taama iliorneq aamma USA-p soqutigisaanut akerliussaaq. Taamaammat tatisineq tamanna unitsinneqartariaqarpoq, Jean-Noël Barrot Reuters naapertorlugu oqarpoq.

Frankrigip præsidentiata Emmanuel Macronip aasaq manna Kalaallit Nunaannut tikeraarnermini Nuummi generalkonsuleqarfimmik ammaanissamik pilersaarutit saqqummiuppai.

Tamatumunnga pissutigineqarpoq nunat akornanni suleqatigiinneq annertusarneqassasoq.

generalkonsulat Kalaallit Nunaat emmanuel macron jean-noël barrot frankrig inuiaqatigiit

Atorfiit tamaasa takukkit

PODCASTI

Se alle jobs

Powered by Labrador CMS