Google EU-mi malittarisassanik unioqqutitsinerminut milliardilikkaanik akiligassinneqartoq

Amerikamiut teknologiimik suliffeqarfissuat Google marlunnik assigiinngitsunik katillugit 890 millionit euronik akiligassinneqarpoq – 6,7 milliardit koruunit. EU-p digitalikkut unammilleqatigiinneq pillugu malittarisassaanik unioqqutitsinera akiligassiinermut pissutaavoq.

Akiligassiisoq EU-mi kommissioni sisamanngornermi taama nalunaaruteqartoq, AFP allappoq.

Google, nunarsuarmi nittartakkatigut ujaasissutit annersaat, 460 millionit euronik akiligassinneqarpoq. Suliffeqarfiup nammineerluni kiffartuussivini — soorlu Google Flights aamma Google Hotels — ujaasisoqartillugu siullersanngorlugit nassaarineqarsinnaanngorsimanerat akiligassiinermut pissutaavoq.

Aammattaaq app-inik suliaqartartut, Google-p nammineq pigisaata Google Play-ip avataani, atuisunut akeqanngitsumik app-inik neqerooruteqarsinnaajunnaarsitsimaneranut 430 millionit euronik akiligassinneqarpoq.

Akiligassiinerit naapertuilluanngitsut Google-mi nunanut tamalaanut tunngasunut pisortaq Kent Walker oqarpoq.

RITZAU