Hashimik nassaartoqareersorlu arnaq tigusarineqartoq

Arnaq Danmarkimiit Nuummut tikittoq, ilanngaaserisunit hashimik nassaarfigineqartoq Kalaallit Nunaanni Politiit sapaammi nal. 12.51 nalunaarfigineqarput.

Pigaartut pisortaata Aputsiaq Hansen paasissutissiivoq.

Suliaq ingerlanneqarlunilu misissuiffigineqarnera pissutigalungu, hashi qanoq annertutigisoq pineqarnersoq, pingaartut pisortaata maannamut oqaatigisinnaanngikkallarpaa.

Arnaq suli tigummigallarneqarpoq, iperagaassanersoq eqqartuussivimmiluunniit sassartinneqartassanersoq ataasinngornermi ullaap tungaani aalajangerneqassaaq.

Inuit Nuup avannaatungaani Kuanninnguani pisuttuartut igeriartoqarneranik nalunaarutiginninnerisa kingorna, politiit sapaammi ualikkut pisumut ornigupput.

Politiinit aallaammik eqqartoq sapaammi nassaarinngilaat, suliamut atatillugu nutaarsiassaqanngitsoq pingaartut pisortaata ataasinngornermi oqaatigaa.

Aammattaaq angerlarsimaffimmi eqqissiviilliornerit, nakuusernerit, tillinniarnerit umiatsiamillu aallarussinerit pillugit politiit suliaqarput.