Hotel Kulusuk piffissami takornariarfiunngitsumi matusoq

Hotel Kulusuk 2026-mi septembarip 30-annit ingerlatsinerminik, allannguiniarluni aalajangerpoq.

Akunnittarfik ulloq taanna aallarnerfigalugu ammajunnaassaaq.

Hotel Kulusuk tusagassiuutinut nalunaarummi taama allappoq.

- Angallannikkut ukiup ingerlanerani pissutsit maanna atuuttut, naammaginartumik ukiup sinneranut ingerlaarnissamut, tunngavissaqannginnerat pissutigalugu tamakkiisumik ingerlatsineq unitsinneqarpoq, pisortaq Mike Nicolaisen allappoq.

Akunnittarfiup sulisui takornariaqarfiunngitsumi suliunnaarsinneqarallarnissaannik tamanna isumaqarpoq. Akunnittarfilli heliskiernermut atatillugu suli ammatinneqassaaq, kiisalu 2027-mi juunip aallaqqaataani Islandimit toqqaannartumik timmisartuussisoqaqqittalerneratni, sammisassaqartitsisinnaanerlu periarfissaalerpat ammatinneqassalluni.

- Aalajangernerput ajuusaarutigaarput. Hotel Kulusuk Tunumi ukiorpassuarni takornariaqarnerup pingaarnersaannut ilaavoq, Tunullu ineriartorneranut 1998-imiilli peqataajuarpugut. Akunnittarfimmilli ukioq tamaat ingerlatsissagaanni, angallannikkut attaveqaatit patajaatsuunissaat pingaaruteqarpoq.

AAMMA ATUARUK

Tunumi takornarialerisut: Ajalusooriaannaavugut

Akunnittarfiup neriuutigaa siunissami takornariaqarnermut, attaveqaasersuinermullu tunngatillugu pitsaanerusunik sinaakkuteqalerumaartoq, taamaalilluni Tunumi ukiup ingerlanerani, tamakkiisumik ingerlatsisoqalersinnaanissaa periarfissaqarnerulissammat.

Tunumi takornariartitsisartut sapaatip-akunnerani kingullermi politikerinut kajumissaaripput Islandip Kulusullu akornanni ukiup ingerlanerani timmisartuussisoqartarnissaanut aaqqiissutissamik nassaaqqullugit.