KL

DK

ILINNIARNEQ

Ilinniarfinnik paasititsiniaaneq eqqarsaatigineqaqqittariaqartoq

Suliniutit anguniakkat aamma ilinniartunut, ilinniagassarsiortunut innuttaasunullu attaveqartut qaninnerusumik ataqatigiissarneqarsinnaarnissaat pillugu, ilinniarfinnik paasititsiniaaneq ukiumut ingerlanneqartartoq, innuttaasut inuusuttullu ilinniagaqarneq suliffissallu pillugit ilisimasaqalerfigisaat, eqqarsaatigeqqinneqassaaq. Taama isumaqarpoq Kalaallit Nunaanni aqqutissiuisarfik - AQQUT, angalanermik ataqatigiissaarinermut akisussaaffimmik maanna ingerlatsiunnaartoq.

Ilinniarfinnik paasititsiniaaneq ukiumut ingerlanneqartartoq eqqarsaatigeqqinneqartariaqartoq, AQQUT isumaqarpoq. Taanna ataqatigiissaarisutut ukiorpassuarni suliaqarsimavoq, najukkamilu ingerlatsisunut – Majoriamut, atuarfinnut ilinniartoqarfinnullu – maanna akisussaaffik tunniuppaa.
Trine Juncher Jørgensen TUSAGASSIORTOQ / TUSAGASSIORTOQ
Saqqummersinneqarpoq

Ilinniarfinnik paasititsiniaaneq ukiut tamaasa oktoberimi novemberimilu sineriammi ingerlanneqartarpoq, ilinniartitaanerup suliffissaasinnaasullu periarfissarititai ilisimaneqarnerulernissai anguniarlugu.

AQQUT – Kalaallit Nunaanni aqqutissiuisutut – Majoriaq, atuarfiit kommunillu suleqatigalugit paasititsiniaanerit ataqatigiissartarpaat.

Ilinniartitaanermut, Kultorimut, Timersornermut Ilageeqarnermullu naalakkersuisoqarfiup AQQUT isumaqatigalugu ataqatigiissaarinerit sumiiffimmi ingerlatsisunut ingerlateqqittussanngorpaat.

Pigaarnertut suliassat annerusumik ukkatarineqalersut

Suliaq taanna pisortatigoortumik inatsisitigulluunniit siunnersuisoqarfimmut tunniunneqarsimannginnera, AQQUT naapertorlugu suliassap ingerlateqqinneqarneranut tamanna pissutaavoq


"AQQUT-ip Qinngornerullu aqqissuusatigut allanngortinnerani nuna tamakkerlugu aqqutissiuussinermik immikkoortortap isumagisassai pingaarnerit annertunerusumik ukkatarineqalerput. Allanngortitsinerup kingunerisaanik AQQUT ilinniartunngorusuttunut innuttaasunullu attaveqarunnaarpoq. Qitiusumik ilinniarfiit, inuusuttut ilinniarfii, meeqqat atuarfii Majoriallu attaveqartussaasutut inatsisitigut aalajangersarneqarpoq," AQQUT tusagassiuutinut nalunaarummi allappoq.

Suliniut tunaartarisanut qanimut ingerlanneqassaaq

AQQUT-ip innersuutigaa akisussaaffiup isumaliutigineqaqqinnissaa aamma najukkani ataasiakkaani Majoriat, qitiusumik ilinniarfiit, ilinniartoqarfiit, kommunit kiisalu suliffeqarfiit pineqartut akornanni pisussaaffeqarluni suleqatigiilluni aaqqissuunneqarnissaa inassutigineqarpoq.

"taamatut iliuuseqarnikkut inatsisitigut aalajangersakkat malillugit ilinniartunik, ilinniagaqalerusuttunik innuttaasunillu
toqqaannartumik attaveqartartut angujumasat suliamillu aallutaqartut qanillillugit suliniut inissinneqassaaq," AQQUT allappoq.

aqqut majoriaq aqqutissiuussineq inuiaqatigiit ilinniarfinnik paasititsiniaaneq ilinniartitaanermut naalakkersuisoqarfik

Atorfiit tamaasa takukkit

PODCASTI

Powered by Labrador CMS