Ilinniarfiup pisortarisimasaanut Eqqartuussisoqarfik Sermersuumi suliaq marlunngornermi naammassineqarluni eqqartuussut saqqummiunneqarpoq. Ilinniarfik kommunimi tassani inissisimavoq.
Angut ilinniarfimmi tassani atuartumut kujanninngikkaluarluni allatigut pinngitsaaliisimasut pisuutinneqarpoq. Angut pineqaatissinneqartoq maanna soraarninngornikuuvoq, arnarlu pinerlineqartoq 20-t qiteqqullugit ukioqarluni.
Ilinniarfiup pisortarisimasaanut Eqqartuussisoqarfik Sermersuumi suliaq marlunngornermi naammassineqarluni eqqartuussut saqqummiunneqarpoq. Ilinniarfik kommunimi tassani inissisimavoq.
Angut ilinniarfimmi tassani atuartumut kujanninngikkaluarluni allatigut pinngitsaaliisimasut pisuutinneqarpoq. Angut pineqaatissinneqartoq maanna soraarninngornikuuvoq, arnarlu pinerlineqartoq 20-t qiteqqullugit ukioqarluni.
Angut ukiup affaani pineqaatissinneqarsimasunut inissiisarfimmiittussanngortinneqarpoq, eqqartuussullu ingerlaannaq Nunatta Eqqartuussisuuneqarfianut suliareqqitassanngortinneqarluni. Angut aallaqqaataaniilli pinngitsuunerarpoq.
Inuit taakku marluk 2024-mi maajip 24-anni ualisoq atuarfiup pisortaata allaffianniipput. Arnap ajornartorsiutini ilinniakkaminut sunniuteqartut pillugit angut oqaloqatiginiarlugu ornippaa. Tassanngaanniit susoqarsimanera assigiinngitsunik nassuiarneqarpoq.
Angutip oqaluttuarnera naapertorlugu taakku eqikkamik kunissuullutik aallartipput. Angutillu assaminik kinguaassiutaatigut attuuallugu. Arnaq taamatut pineqarnissaminik piumasimasoq angut oqarpoq.
Akuersissuteqarnissamik inatsimmut tunngasoq
Arnap nassuiaataa allaanerulluinnarpoq. Angutip iliuusai eqqumiigai, pisumilu tupannermini qerisimalluni, oqaluttuarpoq.
Allaffimmi pisup kingorna arnap politiit attaveqarfigai, taakkualu angut unnuk taanna ornippaat pinngitsaaliisimasutullu unnerluutigineqartoq paasitillugu. Atorfimminiit kinguninngua soraarpoq.
Akuersissuteqarnissamik inatsit Kalaallit Nunaanni 2023-mi atuutilersinneqartoq pisumi pingaaruteqarpoq. Atoqatigiumasaq paasinartumik akuersiteqqaarnissaa inatsit malillugu piumasaqaataavoq. Piumannginnerarlutik oqarsimannginnissaat naammanngilaq. Akuersissuteqarsimanngippat pinngitsaaliisimasutut eqqartuussisoqarsinnaavoq.
Pisumi matumani taanna eqqartuussisunit atorneqarpoq, angullu unnerluussisussaatitaasup piumasaa naapertorlugu qaammatini arfinilinni pineqaatissinneqarsimasunut inissiisarfimmiittussanngortinneqarluni.
Eqqartuussisup Stine Dana Lyngep eqqartuusseqataasut peqatigalugit arlalinnik tunngavilersuipput.
Siullertut pineqartut oqaluttuarnerat. Aamma angutip arnamut attaveqarnera, tassa angut arnap ilinniarfiani immikkut inissisimaffeqarnera, ukiuisalu nikinganerat nalinginnaanngitsumik annertunerat. Aamma pisumi aalajangiisuusoq alla, pinerlineqartup kinaassusaa illersorniarlugu eqqaaneqannginnissaa Sermitsiamit aalajangerneqartoq.
Angutip eqqartuunneqartup aqqa Sermitsiap maannamut saqqummiutissanagu aalajangiuppaa. Suliaq suliareqqitassanngortinneqarmat sulilu naammassineqarani. Nunatta Eqqartuussisuuneqarfiani suliarineqalerpat malinnaavigiumaarparput.
