Ilisimatusartoq: Ataatsimeereernerup kingorna tusagassiortunik katersortitsinermi uku eqqumaffigikkit
- Illersornissamut isumaqatigiissutip 1951-imeersup nutarterneqarnissaanut aalajangersimasunik oqaaseqartoqassanersoq qitiuvoq, aamma USA-p Danmarkillu Kalaallit Nunaanni eqqaanilu nakkutilliinermut sakkutooqarnermullu aningaasaliissuteqarnerulerniarlutik nalunaaruteqassanersut.
Ilisimatusartup ataatsimiinnerup kingorna tusagassiortunik katersortitsisoqarnissaa, tamannalu Issittumi isumannaallisaanermut politikkimut pingaarnersiuinermullu aningaasaliissuteqarnerulernissamik ataatsimoorussamik oqariartuuteqarusunnerannut saqqummiunneqassanersoq pissanngatigaa.
Assi: Josepha Lauth Thomsen
USA-p præsidentiata tulliata J.D. Vancep, nunanut allanut ministerip Marco Rubiop, Danmarkip nunanut allanut ministeriata Lars Løkke Rasmussenip aamma Kalaallit Nunaata nunanut allanut tunngasunut naalakkersuisua Vivian Motzfeldtip ataatsimeeqatigiinnerisa kingorna tusagassiortunik katersortitsisoqassappat, immikkut maluginiartariaqartoq isumannaallisaanermik politikkimik ilisimatusartoq Hans Peder Kirkegaard naliliivoq.
USA-p Kalaallit Nunaannut attaveqarneranut tunngatillugu nutaamik suleqatigiinnissamik isumaqatigiissuteqartoqarnissaa imaluunniit isumaqatigiinniartoqaqqissanersoq maluginiartariaqartoq taanna isumaqarpoq.
- Qitiulluinnartoq tassaavoq illersornissamut isumaqatigiissutip 1951-imeersup nutarterneqarnissaanut aalajangersimasunik oqaaseqartoqarnissanersoq, USA-llu Danmarkillu Kalaallit Nunaanni eqqaanilu nakkutilliinermut sakkutooqarnermullu aningaasaliissuteqarnerulernissartik nalunaarutigissaneraat, isumannaallisaanermik politikkimik ilisimatusartoq Hans Peder Kirkegaard oqarpoq.
"Sumiiffimmi annertusaaneq"
Oqaatsit sorliit atorneqarnersut aamma aalajangiisuulluinnassapput: Issittumiinnerulernissaq eqqartorneqarpat, "annertusaanissaq" sulissutigineqassanersoq aamma sumiissanersoq – assersuutigalugu Kangerlussuarmi imaluunniit Tunumi mittarfiliortoqassanersoq. Aamma aqqartartut eqqaaneqarnersut. (Russit imaluunniit kineserit umiarsui eqqaaneqarnersut).
Ilisimatusartup ataatsimiinnerup kingorna ataatsimut tusagassiortunik katersortitsisoqassanersoq, tassanilu Issittumi isumannaallisaanermut politikkimut pingaarnersiuinermullu aningaasaliissuteqarnerulernissamik ataatsimoorussamik oqariartuuteqartoqassanersoq pissanngatigaa.
