Ilulissani illorsuaq misigisassarsiorfik pilersinneqassasoq

Aalisarneq piniarnerlu pillugit illorsuarmik misigisassarsiorfimmik Ilulissani pilersitsisoqarpat, tamanna piorsarsimassutsimik tammatsaaliineruinnarani, aammali takornariaqarnikkut annertuumik iluaqutaassaaq. Taama isumaqarpoq Avannaata Kommuniani kommunalbestyrelsimut ilaasortaq, Heidi Møller, Demokraatit. Ilulissani misigisassarsiorfimmik pilersitsisoqarnissaa pillugu martsi naalersoq kommunalbestyrelsimut taanna siunnersuuteqarpoq, isumassarsiallu piviusunngortinneqarnissaa siunertaralugu misissuinerit aallartinneqarssasut aaliangiunneqarpoq. Siunertaq pitsaasuusooq piviusunngortinneqartariaqartorlugu, Ilulissani Kangiata Illorsuani pisortaq aamma kommunalbestyrelsimut ilaasortaq, Karl Sandgreen, isumaqarpoq.

Meeqqat, inuusuttut, takornariallu

Ilulissat Kalaallit Nunaanni aalisartoqarfiit piniartoqarfiillu annerpaat ilagaat. Taamaattumik takornarianut minnerunngitsumillu meeqqanut inuusuttunullu aalisarneq piniarnerlu pillugit misigisassarsiorfimmik illorsuarmik pilersitsisoqartariaqartoq Heidi Møller isumaqarpoq.

- Avannaata Kommuniani aalisarneq piniarnerlu suli annertuumik ingerlanneqarput, kisiannili tamakku meeqqat atuarfianni annerunerusumik ilinniartitsissutigineqarneq ajorput.

- Meeqqat inuusuttullu ilinniarnermut ingerlariaqqinnissaannut atuarusussusaannullu kajumilersitsissaaq aammali takornariaqarnermik inuussutissarsiornermut iluaqutaassalluni.

- Taamaalilluni alisarnermik piniarnermillu piorsarsimassuseq tammatsaalineqartariaqassaaq. Assersuutingallugu qaannamut ikilluni saaqqutit misilinneqarsinnaassapput, aalisarnerlu qanoq ingerlanneqartarnersoq aamma misilineqarsinnaassalluni, taanna oqarpoq.

Misissuinerit aallartissasut

Heidi Møllerip oqarnera naapertorlugu illorsuup misigisassarsiorfiup piviusunngortinnissaannut aningaasaateqarfiit suut aningaasaliisinnaanersut misissorneqarneqassaaq, pitsaassuserlu qaffasissoq qulakkeerniarlugu pineqartoq pillugu ilisimasallit suleqatigineqarnissapput.

- Suliniut angisooq taanna aningaasarpassuarnik naleqassasoq takorloorneqarpoq, taamaattumik imminut akilersinnaasumik ingerlanissaa aamma qulakkeerneqartariaqarpoq.

- Aammattaaq ilisimatusartut suleqatigineqartarnissaat siunertaavoq, siunnersuuteqartoq oqarpoq.

Siunertap piviusunngortinneqarnissaanut misissuinerit, soorlu sanaartornermi aningaasartuutit aamma suliffeqarfiup ilusissaa, Avannaata Kommuniani sulisooreersut atorlugit ukiup affaata missaani ingerlanneqarnissaa siunertaavoq. Illoqarfinni allani misigisassarsiorfimmik pilersitsisoqarsinnaanersoq ilanngullugu misissuisoqassaaq.

Isumassarsiaq pitsaasoq

Karl Sandgreen Ilulissani Kangiata Illorsuani 2021-mi pilersinneqartumi pisortaavoq. Illorsuaq 2021-mi pilersinneqartoq ukiumut 20.000-it sinnerlugit amerlatigisunit pulaarneqartarpoq.

- Kangiata Illorsua nunaqavissuniit takornarianiillu ornigarneqartorujussuusarpoq, taamaattumillu Ilulissanut pingaaruteqarluinnarluni.

- Kangiata Illorsua ilisimatuut takornariaqarnermillu suliallit suleqatigeqqissaarlugit ingerlanneqarpoq.

- Ilulissat aalisartoqarfiuvoq taamaattumik aalisarneq piniarnerlu pillugit illorsuarmik misigisassarsiorfimmik pilersitsisoqarnissaanik isumassarsiap ineriartortinneqarnissaannut tunngavissaqarluarpoq, taanna oqarpoq.

 Kangiata Illorsua Ilulissat nunarsuarmi tusaamaneqarnerulerneranik kinguneqarsimasoq, taanna oqarpoq.

- Ilulissani aalisarneq piniarnerlu pillugit misigisassarsiorfik pilersinneqassappat, tamanna Ilulissanut pisuunnguallaataassaaq, minnerunngitsumillu inuussutissarsiornermut aamma annertuumik iluaqutaassaaq, Karl Sandgreen aamma Avannaata Kommuniani kommunalbestyrelsimut ilaasortaasoq oqarpoq.

Ukiup qanoq ilinera apeqqutaatillugu Kangiata Illorsua arfineq pingasut 14-illu akornanni sulisoqartarpoq.