Ilulissat Kangerluani nuna ikuallattoq

Ilulissat Kangerluani nunami maanna ikuallattoqarpoq. Tamanna Avannaata Kommuniani upalungaarsimanermut pisortap, Isak Pjetturssonip, Sermitsiamut uppernarsarpaa.

Qatserisartut nuna ikuallattoq droni atorlugu qulaanit assilisaatigaat. Assilisat takutippaat nuna immikkoortuni marlunni ikuallattoq. Assit naapertorlugit ikuallattup ilaa qerrut nalaanniippoq. 

- Siuaruaatinngikkallarpoq. Annertunngilaq nillusagassaassoorli, upalungaarsimanermut pisortaq Isak Pjettursson assit takusani aallaavigalugit naliliivoq.

Qatserisartut qulit missaanniittut sumiiffimmut maanna pisullutik ornigupput. Taakkua qatserinermi atortunik nassarput. Qatserisartut ikuallattumukartut upalungaarsimasut pisortaannut paasissutissat anngutaat suli killeqarput. Taamaattumik paasissutissat maanna saqqummertut saniatigut upalungaarsimanermut pisortaq paasissutissaateqanngikkallarpoq.

Avannaata Kommuniata ilanngullugu kaammattuutigaa nunap ikuallattup nalaa pisuttuarfigineqassanngikkallartoq.