Imarmiu qaamigut ataatsimik nassulik pillugu paasineqarsimanngitsoq danskit ilisimatuut paasigaat

Qilalukkat pillugit tv-kkut pinngortitaq pillugu aallakaatitassiat takusimagukkit tuugaavat takisooq alutorsaatigisimassagit ilimanarpoq.

Tuugaaq meterinik arlalinnik takissuseqarlunilu14 kilot angullugit oqimaassuseqarpoq. Qipuvoq allaanani ataatsimik nassullip nassua.

Soorliuna tuugaaq taamatut isikkoqartoq?

Apeqqut tamanna maannamut ilisimatuut arlaannaataluunniit paasisimanngilaa. Maannali nunat tamalaat akornanni ilisimatuut suleqatigiit danskinit aqunneqartut tamanna sumik peqquteqarnersoq paasisimagunarpaat.

-       Paaserusussimavarput, qilalukkammi tuugaavi uumasunit allanit miluumasunit allaaneroqaat. Nagguaatsut imaluunniit aarrit tuugaavisa najunganerat eqqarsaatigalugu qilalukkap tuugaava narlorissuuvoq, Aarhusip ilisimatusarfiani kemi pillugu ingerlatsivimmit ilisimatooq Henrik Birkedal oqarpoq.

Ilisimatusaammi nutaami atuagassiami Naturemi saqqummersinneqartumi imarmiu qaamigut ataatsimik nassulik misissuinermi siuttuuvoq.

-       Sooq taamaannersoq paaserusupparput.

Kalaallit Nunaanni qilalukkap tuugaavinik sukumiisumik 3D atorlugu ukiuni arfinilinni  misissueqqissaareerluni ilisimatooqatinilu ilaatigut kalaaliusut Sverigemeersullu maanna ersarissumik akissutissaqalerpoq.

Taamaammat tuugaaq narlorippoq

Henrik Birkedal naapertorlugu qilalukkap tuugaava collagenfiberinik aalajangersimasumik sammiveqartussamik sananeqaateqarpoq.

Tamanna tuugaap ilusaanut aalajangiisuuvoq.

-       Collagenfiberit – spagettinut poortanut assingusinnaasumik - sammiveqatigiissut 3D atorlugu misissueqqissaarnitta siulliup takutippaa, taanna nassuiaavoq.

-       Matumanili sooq qipunersoq nassuiarneqanngilaq.

TaamaammatHenrik Birkedal ilisimatooqataalu 3D atorlugu seqersittaat immikkut ittoq atorlugu nunarsuarmi angalaarsimapput, taamaalillutik qilalukkap tugaavata sananeqaataa isertortoq suli qaninnerusumik takusinnaavaat.

-       Tuugaaq kigutitut sananeqaateqartumik ilorleqarlunilu qalleqartoq paasivarput. Sananeqaatini marluusuni taakkunani molekylit qipusussatut iluseqarlutik tamarmik sammivissaminnut sammiveqarput, Henrik Birkedal oqarpoq.

-       Tuugaarmi tassaasoq siumuinnaq qipusumillu ilusiliisoq isumaqarpugut.

»Ilisimatusarneq akaarnartoq«

Imaapporlu qilalukkap tuugaava molekylenit peqquteqartumik narlorissuusoq.

-       Ilisimatusarneruvoq akaarnartoq pinngortitami pisartunik eqqumiitsumik kusanavissumik paasisaqartitsisoq, Jonas Teilmann Aarhusip ilisimatusarfiani ilisimatooq arfernillu ilisimatooq ilisimatusaammi peqataasimanngitsoq oqarpoq.

Qilalukkat uumasutuaallutik taamaattumik eqqumiiitsumik tuugaaqarnerat tupinnarnerarpaa, tuugaallu naak imaani sakkortuunik nukeqaraluartoq equsaratillu napisanngillat.

- Maanna uumasut alutornartut taakku pillugit ilisimasaqarneruleratta nuannerpoq, Jonas Teilmann oqarpoq.

Soorli arferit ineriartornermi taamaattumik ataatsimik tuugaaqarnertik sumut atortarneraat suli oqaluuserineqarpoq.

Panatut, qaffasinneruniutitut imalunniit tarajoqassutsimut uuttuutitut atorneqarpa?

Sooq qilalukkat ataasiinnarmik takisuumik tuugaaqarnersut siunnersuuterpassuupput, Henrik Birkedal nassuiaavoq.

-       Tarajoqqassutsimut uuttuutaasinnaaneraniit nerisassalerngusaallutik panatut atorneraat.

Assersuutigalugu 2025-mi ilisimatusarnermi tuugaaq imaani qilalukkap aalisakkanik malersuineranut tunngatinneqarpoq.

Henrik Birkedal naapertorlugu nerisassarsiornissaa ajornakusoornerulissammat qilalukkap tuugaavata najungannginneranut peqqutaasinnaasorineqartoq peqqutaasinnaasut ilagaat.

-       Nagguaatsup tuugaami najuganera nunami nerisassarsiorluni assaanermut atortarpaa, qilalukkalli aalisakkat amikullu malersorlugit milluttarpaat. Meterinik pingasunik takissusilimmik qarnaniit najungasumik tuugaaqarpata, taava aalisakkat millunniarnissaat immaqa ajornakusoornerusinnaavoq, taanna oqarpoq.

-       Takisuumilkli nassoqarneq imaluunniit tuugaaqarneq arnavissanit pilerigineqarnerunissaa suusinnaaneranut peqqutaasorineqartut atugaanersaraat.

Sunaluunniit peqqutaaagaluarpat qilalukkat pillugit nutaanik ilisimasaqalerneq pingaarnerpaavoq, Jonas Teilmann Aarhusip ilisimatusarfianeersoq isumaqarpoq.

Arferit taakku pillugit ilisimasaqarnerujartortilluta piniagaanerannut, umiarsuit pisorpalunnerannut silaannaallu allanngoriartorneranut illersorsinnaanerussavagut.