Nunatsinni imigassamut killilersuineq nutaajunngilaq. Oqartussaasut imigassamut assigiinngitsunik ukiuni qulikkuutaani malittarisassaliortarput.
Assersuutigalugu imigassamut tunngatillugu pointinik aalajangersakkat nuna tamakkerlugu 1979-imiit 1982-imut atuutsinneqarput. Malittarisassat sumiiffimmut aalajangersimasumut kingusinnerusukkut atuutilersinneqarput, illoqarfinni nunaqarfinnilu aalajangersimasuni immikkut ittumik killilersuisoqarsinnaasarluni.
Nunatsinni imigassamut killilersuineq nutaajunngilaq. Oqartussaasut imigassamut assigiinngitsunik ukiuni qulikkuutaani malittarisassaliortarput.
Assersuutigalugu imigassamut tunngatillugu pointinik aalajangersakkat nuna tamakkerlugu 1979-imiit 1982-imut atuutsinneqarput. Malittarisassat sumiiffimmut aalajangersimasumut kingusinnerusukkut atuutilersinneqarput, illoqarfinni nunaqarfinnilu aalajangersimasuni immikkut ittumik killilersuisoqarsinnaasarluni.
Nunatsinni imigassaq pillugu ilisimatusarnermut tunngasuni allaaserisani piffissap ingerlanerani, nunap immikkoortuini ingammik Tunumi, Qaanaami Upernaviullu avannaani nunaqarfinni, imigassamut killilersuisoqartarnera oqaluttuarineqarpoq.
Oqaluttuarisaanermi takuneqarsinnaavoq Kalaallit Nunaanni imigassamut politikki nuna tamakkerlugu atuutiinnarsimanngitsoq, aammali sumiiffinni imigassamik pilersuinerup killilerneqarnissaanik kissaateqarfiusuni immikkut ittumik aaqqissuisoqartartoq.
Upernaviup nunaqarfiini imigassaq siumoortumik inniminnerneqartarpoq
Upernaviup eqqaani imigassamut immikkut malittarisassat 2002-miilli atuupput. Upernavik Kommuniani taamani atuutilersinneqarsimapput, Qaasuitsup Kommunianianilu kingusinnerusukkut atuutsinneqaqqillutik.
Namminersorlutik Oqartussat nalunaarutaanni nr. 26-mi, 4. november 2016-imeersumi, aalajangerneqarpoq nunaqarfinni qulingiluani imigassanik sakkortuunik sakkukinnerusunillu tuniniaasarneq aatsaat siumoortumik inniminniisoqarneratigut pisisoqarsinnaasoq.
Imigassaq siumut inniminnerneqareersimassaaq, Upernavimmiillu imaluunniit Kalaallit Nunaanni nunaqarfiit arlaanniit nassiunneqartassalluni. Imigassat inniminniissutigineqartut pisisumut toqqaannartumik nassiunneqarsinnaapput imaluunniit nunaqarfiup pisiniarfianut apuunneqarsinnaallutik.
NUNAQARFIIT IMIGASSAMIK AALAKOORNARTORTALIMMIK KILLILIISOQARNISSANUT KISSATEQARTUT UKUUPPUT
Aappilattoq
Kangersuatsiaq
Kullorsuaq
Innaarsuit
Naajaat
Nuussuaq
Tasiusaq
Nutaarmiut
Upernavik Kujalleq
Taamaalilluni aaqqissuussaq pisiniarfinni imigassamik tuniniaanermit nalinginnaasumit allaaneruvoq, tassani pisisartut pisiniarfimmi immiaaqqanik toqqakkaminnik akeqanngitsumik pisisinnaapput.
Innuttaasunit aaqqissuussaq kissaatigineqartoq
Malittarisassat immikkut ittut oqartussat kisimik killilersuutiginngilaat. Upernaviup eqqaani nunaqarfinni eqqugaasuni innuttaasut amerlanersaasa pisiniarfinni imigassaq pisiarineqarsinnaanngitsoq kissaatigigaat, allaaserisami 2015-imi allassimavoq.
Taamaattumik sumiiffimmi innuttaasut imigassamik pisisoqarsinnaanera killilerneqassanersoq kissaatigaat. Imigassamik toqqaannaq pisisoqarsinnaajunnaartillugu, imigassap siumut inniminnerneqaqqaartalernissaa atuutilersinneqarpoq.
Taamatut aaqqissuussineq innuttaasut ilaannut immaqa ajornannginnerusumik imigassartornissamut periarfissaqalersitsisarpoq, taamaalillunilu malittarisassat atuuttut naapertorlugit imigassamik inniminniisoqarsinnaalluni.
Taamaattumik Upernaviup nunaqarfiini aaqqissuussineq nunatsinni imigassamut politikki ilusilersorneqartillugu innuttaasut imigassartorsinnaanermik killilersuinissamik kissaataat qanoq isilluni akuutinneqarsinnaanerannut, maligassiuivoq.
Qaanaami nunaqarfiinilu imigassamut aalakoornartumut immikkut malittarisassat
Aammattaaq Qaanaami imigassamik tuniniaanermut sassaallernermullu immikkut malittarisassaqartoqarpoq.
Nalunaarut 2016-imeersoq naapertorlugu, Qaanaami nunaqarfinnilu Qeqertani Siorapalummilu imigassanik aalakoornartortalimmik 15 procentimik qaffasinnerusumik sassaalliisoqarsinnaanngilaq.
Savissivimmi malittarisassat sakkortunerusut atuupput, tassani imigassanik sakkortuunik sakkukinnerusunillu tuniniaanissaq inerteqqutaavoq. Aamma imigassanik aalakoornartortalimmik minnerpaamik 15 procentimik imigassartorfiusumi sassaalliineq inerteqqutaavoq.
Malittarisassat takutippaat oqartussaasut Kalaallit Nunaata avannaani assigiinngitsunik periuseqartartut. Sumiiffiit ilaanni imigassap sakkortussusaata pineqarsinnaanera killilersorneqarpoq, sumiiffinni allani tuniniaasarneq inerteqqutaasarluni.
Imigassamilli sakkortuumik inerteqquteqarnerup killilersuinerullu assigiinngissutaat paasissallugu pingaaruteqarpoq. Qaanaami, Qeqertami Siorapalummilu killilersuinerit imigassamut minnerpaamik 15 procentimik aalakoornartortalimmut nalunaarutip oqaasertaanut naapertuuttuupput, imigassanulli aalakoornartortalinnut tamarmut tunngatinnatik.
Tunumi: Killilersuinermiit inerteqquteqalernermut
Aamma Tunumi imigassamut immikkut malittarisassat qangali atuupput. Tasiilami, nunaqarfiini Ittoqqortoormiunilu imigassanik sakkortuunik 15 procentimik qummut imigassartorfiusuni killilersuisoqartarpoq.
Malittarisassat Tasiilami nunaqarfinnilu tallimani septembarimi 2021-mi sukaterigallarneqarput: Kulusummi, Tiilerilaami, Isertumi, Kuummiit aamma Sermiligaami.
Tassani Naalakkersuisut imigassanik aalakoornartortalimmik, minnerpaamik 2,25 procentimik sakkortussusilimmik tuniniaanissaq sassaallertarnerlu inerteqqutigilerpaat. Inerteqqut septemberip pingajuanniit septemberip 17-nia 2021 ilanngullugu atuutsinneqarpoq.
Sakkortuunik pisoqareersorlu taama aalajangertoqarpoq, ilaatigut nakuusertoqarnerata kingunerisaanik, angerlarsimaffinni eqqissiviilliortoqarnerata kingunerisaanik imminullu toquttoqareernerani. Oqartussanit pisut ilungersunartut oqaatigineqarput, paasissutissat naapertorlugit pisut arlallit imigassamik atornerluinermut attuumassuteqarput.
Taamaattumik meeqqat atugarissaarnissaat innuttaasullu isumannaatsuunissaat navianartorsiorneqartillugu imigassamut inatsisip immikkoortuata 41-p qanoq atorneqarsinnaaneranut inerteqqut tamanna assersuutissatsialaavoq.
Inerteqquteqarallarnerli 2021-mi atorunnaarsinneqarallarpoq, malittarisassanullu ullutsinni atuuttunut, taputartuunneqarsinnaanngilaq.
Kommune Kujalleq: Tamakkiisumik inerteqquteqarallarneq
Namminersorlutik Oqartussat nalunaarutaat nr. 40 2026-mi oktobarip aappaanni atuutilerpoq, tassanilu Kommune Kujallermi tamarmi imigassanik aalakoornartortalimmik minnerpaamik 2,25 procentimik sakkortussuseqartumik tuniniaanissaq sassaallertarnerlu inerteqqutaalerallarpoq.
Inerteqqut Qaqortumi, Narsami Nanortalimmilu kommunillu nunaqarfiini atuuppoq. Meeqqat isumannaatsuunissaat innuttaasullu isumannaatsumiinnissaat eqqarsaatigalugit kommunalbestyrelsip piumasaqaataa tunngavigalugu inerteqquteqarallarneq atuutilersinneqarpoq.
Inerteqqut allanngortinneqannginnami atorunnaarsinneqarpalluunniit atuutissaaq. Nalunaarutip qaqugu atuukkunnaartinneqarnissaa ullulerneqanngilaq.
Taamaattumik Kommune Kujalleq kommunimi tamarmi tamakkiisumik inerteqquteqarallarnermut, sumiiffinni allani suli killilimmik malittarisassaqartinneqartumut, assersuutissaalluarpoq.
Malittarisassat assigiinngitsut — inatsisit tunngaviusut assigiit
Nunatsinni imigassamut inatsisit assigiinngitsorpassuupput, soorlu inniminniinissamik piumasaqaat, imigassamik aalakoornartulinnik aalajangersimasunik inerteqquteqarnerit aamma tamakkiisumik inerteqquteqarallarnerit.
Upernaviup nunaqarfiini imigassamik pisisoqarsinnaanera inniminniinermut periuseq aqqutigalugu killilersorneqarpoq. Qaanaami nunaqarfinnilu arlalinni imigassamut sakkortuumut immikkut killilersuisoqarpoq. Tunumi oqartussat piffissami sivisuumi killilersuutinik aamma inerteqqutaalersitsisarput. Kommune Kujallermi kommuni tamakkerlugu oktobarimi 2026-mi imigassamik, tuniniaanissaq immiartornerlu inerteqqutaagallalerpoq.
Kalaallit Nunaanni imigassamik inatsit aalajangersimasunik killiliinissamut annertuunillu inerteqqutiginninnissamut periarfissaqarpoq. ’Inatsisit’ aalajangersimasut qanoq malittarisassaqartinneqarnersut nalunaarummi aalajangersimasumit aalajangiisuuvoq, inerteqqutaasimasullu ullumikkut atuuttumit immikkoortittuartariaqarput. Inerteqqutit itsaq atuuttut ullumikkut maleruagassanut, sanilliunneqarsinnaanngilluinnarput.
IMIGASSAMUT INATSIT SUMIIFFIMMI INERTEQQUTEQALERNISSAMUT PERIARFISSIISOQ
Nunatsinni imigassamut malittarisassat illoqarfinni nunaqarfinnilu assigiinngitsuupput. Inatsisartut inatsisaat nr. 35, 23. november 2017-imeersoq naapertorlugu, innuttaasut imigassamik aalakoornartortalimmik atuisinnaanerannik killilersuisunik imaluunniit atuisinnaajunnaarsitsilluinnartunik, Naalakkersuisut immikkut ittumik malittarisassaliorsinnaapput.
Naalakkersuisut kommunalbestyrelsimit nunaqarfinniluunniit aqutsisunit piumaffigineqarnermigut akulerussinnaapput , Inatsimmi § 41-mi allassimavoq. Najukkami nunalu tamakkerlugu taasisitsinermi amerlanerussuteqartut killiliinissamik piumasaqarpata, aamma taamaaliortoqarsinnaavoq. Tamatuma saniatigut imigassamik atuineq meeqqanut inuiaqatigiinnulluunniit ulorianartorsiortitsippat, Naalakkersuisut akuliussinnaapput.
Taamaattumik inatsisit naapertorlugit imigassamut tunngatillugu malittarisassat nunap pissusiinut naleqqussarsinnaapput. Nunap ilaani imigassamik sakkortuumik tuniniaasarneq killilerneqarsinnaavoq, nunap ilaani siumoortumik inniminniinissaq piumasaqaataasinnaavoq, nunallu ilaani imigassamik tuniniaaneq immiartornerlu inerteqqutaalersinnaapput.
Imigassamik inatsisip suliarineqarnerani nassuiarneqarpoq, imigassartorsinnaanerup killilersimaarnissaanut periarfissat siusinnerusukkut atuuttut aalajangersakkami tamatumani ingerlateqqinneqartut, erseqqissarneqarporli Naalakkersuisut qanoq pisoqartillugu akuliussinnaasut.
Najoqqutaq: Imigassaq pillugu Inatsisartut inatsisaat aamma § 41-mut oqaaseqaatit.
