KL

DK

ANNAASSINIARNEQ

Inuit marluk umiatsiaaqqamik orsueruttoortut qulimiguulimmik aaneqartut

Inuit marluk Issittumi Sakkutooqarfiup qulimiguulianik sisamanngornerup unnuaani annaanneqarput.

Thomas Munk Veirum
Thomas Munk Veirum Tusagassiortoq
Saqqummersinneqarpoq

Kalaallit Nunaanni Politiit Issittumi Sakkutooqarfik suleqatigalugu inunnik marlunnik sisamanngornerup unnuaani annaassiniarput.

Pigaartut pisortaat Malik Olesen Sermitsiamut paasissutissiivoq.

Inuit marluk umiatsiartik orsuerummat nunamut ikaarsimapput, pisorlu ajorneruleqqunagu annaasiniarneq aallartinneqarluni.

Nunaqarfiup Saqqap eqqaani umiatsiaq orsueruttoq Aasiaat Radioaniit politiit sisamanngornermi unnukkut nal. 21.09 nalunaarutigineqartut, Malik Olesen oqarpoq.

Angallammiittut nunamut niusimariarlugit sumiinnertik nalunaarutigisimasinnaasimavaat.

Inuit taakku marluk angalasunit qanittumiittunit ikiorneqarinnaanersut paasiniarlugu pan-pan-imik kalerrisaarisoqaqqaarpoq, sumiiffimmili sila ilaatigut ajormat taamaaliortoqarsinnaasimanani.

Unnuami nalunaaqutaq ataatsip missaani annaasiniartoqassasoq aalajangertoqarpoq, Issittumilu Sakkutooqarfik suleqatigalugu inuit marluk qulimiguulimmik aaneqarput.

Taakku marluk ajunngitsut pigaartut pisortaata ilanngullugu paasissutissiissutigaa.

inuiaqatigiit Kalaallit Nunaanni politiit saqqaq issittumi sakkutooqarfik malik olesen

Atorfiit tamaasa takukkit

PODCASTI

Powered by Labrador CMS