Inuk Facebookimi qilalukkap tuugaavanik pisinermi peqqusersaarfigineqartoq

Tallimanngornermi ullup qeqqata missaani Kalaallit Nunaanni politiit peqquserluttoqarneranik nalunaarutiginninnermik tigusaqarput.  

Unnerluutiginnittoq Facebookikkut qilalukkat tuugaavanik pisisimavoq, pisianilu 4500 koruuninik akilersimallugu. Kingorna tuniniaasup profilini peerpaa.  

Taama pigaartut pisortaat Aputsiaq Hansen ilisimatitsivoq, taassumalu internetimi niuernermi mianersornissaq mianersoqqussutigaa:  

- Tuniniaasoq tutsuiginarnersoq eqqummaariffigineqassaaq, taanna oqarpoq.  

Politiit suliaq misissorpaat.  

Politiit qunusaarai  

Tallimanngornermi unnukkut nal. 21.35 politiit tigusarinnipput, tassungalu atatillugu inuunerminnik qunusaarneqarlutik. Tigusarineqartup politiit toqunnissaannik qunusaarai, pigaartut pisortaat oqaluttuarpoq.  

Politiit tassunga suliamik aallartitsipput, kingusinnerusukkullu eqqartuussivimmut anngunneqassaaq.  

Inuk kingorna iperarneqarpoq.  

Tamatuma saniatigut persuttaanerit angerlarsimaffinnilu eqqissiviilliornerit arlallit pisut, Aputsiaq Hansen oqaluttuarpoq.