Ullaakkut nalunaaqutaq qulingiluanngulerpoq, naalakkersuisunngorlaaq isumaqatigiissuteqarfigigatsigu Namminersorlutik Oqartussat allaffeqarfissuata saaffiginnittarfianiippugut. Iddimanngiiu Bianco, allaffiani naapissasorisarput, Inatsisartut allaffeqarfiata nalaaniit tuaviusukaaginnaq iseriartorpoq.
- Inatsisartut ataatsimiinnerisa nalaanni IA-kkut ullaat tamaasa arfineq-pingasunut ataatsimiittarmata naammasseqqammivunga, Iddimanngiiu Bianco iserlunilu taama oqarpoq.
Ullaakkut nalunaaqutaq qulingiluanngulerpoq, naalakkersuisunngorlaaq isumaqatigiissuteqarfigigatsigu Namminersorlutik Oqartussat allaffeqarfissuata saaffiginnittarfianiippugut. Iddimanngiiu Bianco, allaffiani naapissasorisarput, Inatsisartut allaffeqarfiata nalaaniit tuaviusukaaginnaq iseriartorpoq.
- Inatsisartut ataatsimiinnerisa nalaanni IA-kkut ullaat tamaasa arfineq-pingasunut ataatsimiittarmata naammasseqqammivunga, Iddimanngiiu Bianco iserlunilu taama oqarpoq.
Ulloq taanna naapikkatsinni ulluni qulini naalakkersuisooreersimalerpoq. Ullut taakkua iluanni tusagassiorfinnut nalunaarutit marluk suliarereersimavai, oqartussaaffigilikkaminilu aalajangiiffissat Inatsisartut ataatsimiinneranni oqaaseqarfigisareerlugit. Ullut qulit siulliit ullaamiit unnummut ulapiffiusut.
- Paasissutissat naammattut, immaqalu sipporlugit pissarsiaraakka. Ataqatigiissagassat sorpassuit iserfiginiarusaarpakka. Kisianni atorfilittat pikkoreqaat aamma misilittagaqarfigivaat nutaamik naalakkersuisoqalerneq, Iddimanngiiu oqarpoq.
Iddimanngiiu Bianco Naalakkersuisutut sulinissaminut piareersimavoq. - Nalinginnaasorujussuunikuuvoq ilinniaatigalunga suliffiit arlallit, imaluunniit pisortaajutigalunga peqaatigiiffiit arlallit peqataaffigisarneri. Taamaammat nalunngilara arsarpassuit silaannarmiittut akorsinnaasarlugit, Iddimanngiiu taama oqarpoq.
Assiliisoq: Oscar Scott Carl
Isornartorsiortakkani aaqqissuuteqarfigisinnaavai? Iddimanngiiu Biancop atia tusaannarlugu nalunanngilaq sumit kingoqqinersoq. Tasiilarmiuuvoq. Tasiilamilu pissutsit, soorlu angallannermut tunngasut, isornartorsiortareerlugit.
Isornartorsiusarsinnarluni maanna oqartussatut qullerpaatut inissippoq. Taamaalilluni isornartorsiortakkani Attaveqaasersuutinut Naalakkersuisunngornermini iliuuseqarfigisinnaalerlugit.
Tunumi angallannerup ilusilersorneqarnera kiffartuussinissamut isumaqatigiissutit allat assigalugit 2020-miit 2030-mut atuuppoq, taamaammallu allanngortikkuminaalluni.
Isornartorsiortarpatit, kisianni 2030-p tungaanut iliuuseqruminaappoq. Allannguisinnaavit?
- Pitsanngorsaanissamut arlaatigut inissaqartuaannartoq upperivara. Aamma Air Greenlandikkut Greenland Airportsikkut qanimut suleqatiginissaat kissaatiginerpaavara. Taavalu taakkua suleqatigineratigut arlaatigut aaqqiissuteqarsinnaanerit, soorlu nutaarsiassani takusanni Nerlerit Inaanni nassiussat assartorneqarnissaannut ajornartorsiuteqarput, nassiussat uninngasut amerliartuinnaavimmata. Taamaalilluta maanngaanniit iliuuseqarsinnaalluta timmisartut Akureyrimiit Nerlerit Inaannut timmisartut amerlineritigut, Iddimanngiiu Bianco taama akivoq nangillunilu.
- Taakkuusinnaapput assigiinngitsut aalajangiiffigisat ullumikkut iliuuseqarfigineqarsinnaasut, kiffartuussinissamut isumaqatigiissut aporfiginngikkaluarlugu qaavatigut iliuuseqarnikkut. Taakkuuppullu uanga sulissutigisinnaasakka kiffartuussinissamut isumaqatigiissut taamatut isikkoqarallartillugu.
Iddimanngiiu Biancop nunatsinni illoqarfiit nunaqarfiillu tamaasa naalakkersuisuunermini tikinnissaat takorluugaanut annertuunut ilaavoq. Aana Nuup illoqarfiata nutaanngitsortaa allaffeqarfimminit quleriit arfernanni inissisimasumit isiginnaarujooraa.
Assiliisoq: Oscar Scott Carl
Isorliunerusuni najugallit paasisinnaavai Iddimanngiiu Bianco Tasiilami peroriartorami isorliunerusuni inuuneq ulluinnaallu ilisimalluarpai.
- Nalunngilara avinngarusimasumiilluni oqartussat annguffiginiarneri ilungersunartorujuusartoq. Ulluinnarni ajornartorsiutit atukkanut tunngasut aporfii suusarneri nalunngilagut. Taamaammat tusaaneqarnissap ilungersunarsinnaanera uanga nammineerlunga nalunngilara, taanna oqarpoq.
Avinngarusimasunili unammillernartut qangali ilisimaneqaraluartut ilaanni aaqqiinnariaasanngillat. Innuttaasut atugaat ilisimallugillu paasisinnaagaluarlugit suliat ilai imaaliallaannaq aaqqinneqarsinnaanginneri naalakkersuisunngorlaap ilisimavaa.
- Takorloorsinnaavara allaffissornermi ipisinnaasut, imaluunniit suliniutit piviusunngunngitsoortut. Sinaakkutit suleriutsini assigiinngitsuniittut peqqutaallutik. Taamaammat unammillernartorujussuussasoq nammineerlunga takorloorsinnaavara aaqqinniagassat isornartorsiortarnikuusakka. Taamaakkaluartoq atukkat pillugit ilisimasaqarnera uanga nukittoqqutitut isigivara, Iddimanngiiu Bianco oqarpoq.
Maanaannaq qinersisoqanngippat naalakkersuisoqatigiillu ataannarpata qinersineq kingusinnerpaamik ukiut pingasut qaangiuppata pissaaq. Tassani suna angusimarusuppiuk?
- Avinngarusimasumiittut tusaaneqartutut misiginerat. Arlaatigut ineqarnikkut angallannikkullu pitsanngueqataasimallunga. Suugaluarnersumik massakkut uannut takorlooruminaalaaraluartumik annertuumik pitsaanerusumik arlaatigut iliuuseqaqataasimallunga neriuutigivara, naalakkersuisoq naggasiivoq.
