UNNIA

Ivalo meeqqeriveqarfinnut aqutsisunngorpoq

Ivalo Nguujuk Adolfsen Arnfjord perorsaasutut ilinniarnikuuvoq, aamma perorsaaneq pillugu psykologimimi qaffasissumik ilinniagaqarluni, perorsaanermi nalinginnaasumi mastereqarluni kiisalu perorsaanermi nalinginnaasumi cand.pæd-iulluni. Ilisimatusarfimmissaaq ilisimatusartutut suliaqarpoq.

Assi: Dida G. Heilmann / Kommune Kujalleq

Paninnguaq Steenholdt Paninnguaq Steenholdt Tusagassiortoq

Saqqummersinneqarpoq 24. Juuli 2026 - 10:42

Ivalo Nguujuk Adolfsen Arnfjord, perorsaasoq, Kommune Kujallermi meeqqeriveqarfimmi suliatigut aqutsisunngorpoq. Kommune Kujalleq tusagassiuutitigut nalunaarpoq.

- Ivalo Nguujuk Adolfsen Arnfjord Kommune Kujallermi meeqqeriveqarfimmi suliatigut aqutsisunngornissamut akuersimmat assorujussuaq nuannaarutigaarput, Inerisaanermut Ingerlatsivimmi pisortaq Annga Lynge oqarpoq.

Ivalo Ilinniartitaanermik Aqutsisoqarfimmi perorsaanikkut ineriartoritsinermik ukiuni arlalinni suliaqarnikuuvoq, soorlu Meeqqerivitsialammut tunngasunik. Meeqqeriveqarnermi inatsisit atuutilersinneqarnissaannik, perorsaanikkut pilersaarusianik, sulisunik piginnaanngorsaanermik kiisalu meeqqat atualinngitsut pillugit pikkorissaanermi ilinniartitsinermilu atortussiornermik ilaatigut suliaqarsimalluni.

Ussassaarut

- Meeqqeriviit meeqqat ukiuini siullerni aalajangiisuulluinnartarput. Taamaammat suliatigut erseqqissumik sammiveqarnissarput paaqqinnittarfinnillu suleqateqaluarnissarput pingaaruteqarpoq. Ivalo suliatigut aqutsisorileratsigu, suliassaqarfimmut tunngasunik ilisimasaqarluinnartumik sulisoqalerpugut, taanna aqutsisunik sulisunilu qanimut suleqateqarluni suliassaqarfimmik ineriartortitsisinnaavoq, kommuni allappoq.