Jazzimik nipilersortartoq Pele Møller toqukkut qimaguppoq

Nipilersortartoq Pele Møller sivisuumik napparsimareerluni juulip 20-ani unnukkut toqukkut qimaguppoq.

Ernera, Glenn Møller, Facebookimi allappoq.

Jazzimik nipilersortartutut ukiorpassuarni ilisimaneqarluartoq Pele Møller 86-inik ukioqarluni toqukkut qimaguppoq.

1939-mi Qullissani inunngorpoq, guitarertarneq mikisuulluni ilinniarpaa 1990-illu aallartinneranni nammineq jazzernermik nipilersoqatigiinnik pilersitsivoq.

17-neriarluni saqqummersitsisarsimavoq. Nammineq nipilersoqatigisani peqatigalugit aammali nipilersortartut allat saqqummersitsisarnerannut peqataasarsimalluni.

Nipilersoqatigiit Kræftens Bekæmpelse-mut ajunngitsuliornermi tusarnaartitsinermi, danskit kunngikkormiuisa nereqatigiinnerini nunamilu tamarmi pisuni amerlasuuni nipilersortarput.

Pele Møller nipilersortartut oqaluttuarisaanerat eqqarsaatigalugu immikkuullarilluinnarpoq. Nipilersortartunut kinguaariinnut isumassarsisitsisuuvoq, aamma guitarip kalaallini nipilersukkani nuannarineqarluartuni qitiusumik inissisimalerneranut peqataavoq.

2020-mi Kulturikkut Nersornaasiuttagaanik tunineqarpoq.

Ataatami inuunera sivisooq imartoqisorlu, Glenn Møller allappoq.

Pele Møllerip nulii meeqqanilu toqukkut qimappai.