Polar Seafoodip Royal Greenlandillu aaqqiissutissamik isumaqatigiinneq ajulerput. Taamaammat Polar Seafoodip tunisassiorfia annaanniarlugu Naalakkersuisut politikkikkut akuliuttariaqarput.
Inatsisartut aalisarnermut, piniarnermut nunalerinermullu ataatsimiititaliaani siulittaasup tullia Jens NapãtôK' (N) Nuummi ataasinngormat piaartumik ataatsimiinnerup kingorna oqarpoq.
Polar Seafoodip Royal Greenlandillu aaqqiissutissamik isumaqatigiinneq ajulerput. Taamaammat Polar Seafoodip tunisassiorfia annaanniarlugu Naalakkersuisut politikkikkut akuliuttariaqarput.
Inatsisartut aalisarnermut, piniarnermut nunalerinermullu ataatsimiititaliaani siulittaasup tullia Jens NapãtôK' (N) Nuummi ataasinngormat piaartumik ataatsimiinnerup kingorna oqarpoq.
Naalakkersuisoq siunersioqatiseriniaraat
Ataatsimiititaliap aalisarnermut, piniarnermut nunalerinermullu naalakkersuisoq Peter Borg (D) siunersioqatiginissaa siunniukkaa Jens NapãtôK’ oqarpoq.
– Polar Seafoodimiit Royal Greenlandimiillu pisariaqartunik tamanik paasissutissinneqarpugut. Maanna Peter Borg ataatsimeeqatigisariaqarparput. Politikikkut maanna aaqqisoqartariaqarpoq, Jens NapãtôK' oqarpoq.
Polar Seafood naapertorlugu suliffissuaq qaammatini aqqaneq-marlunni ingerlasinnaassappat minnerpaamik raajanik 10.000 tonsinik tunisassiorsinnaasariaqarpoq, raajalli pisassiissutigineqartartut ikiliartornerat pissutigalugu ukiut marluk ingerlaneranni katillugit raajanik 4.000 tonsinik amigaateqartoqalissalluni.
Ane Hansen iliuuseqartoq
Ane Hansenip (IA), Kommune Qeqertalimmi borgmesteriusimasup, Aasiaat suliffissuata siunissaa ataatsimiititaliamut oqaluuserisassanngorteqqaartuuaa.
Polar Seafoodip pisortaanera Bent Salling naapertorlugu Royal Greenlandimik isumaqatiginninniarnerit iluatsinngitsoorsimapput. Politikkikkut aaqqiissuteqartoqanngippat Polar Seafoodip suliffissuaq ukiaru matuneqassasoq qanittukkut aalajangiiffigissagaa taanna oqarpoq.
Suliffeqarfiit taakku marluk isumaqatigiissinnaanngippata, politikkerit kisimik suliffissuaq annaassinnaagaat, Jens NapãtôK isumaqarpoq.
Ima oqarpoq:
– Politikerit iliuuseqartariaqalerput. Tunisassiorfik Inatsisartuni qinikkat Naalakkersuisunut tatisippata aatsaat annaanneqarsinnaassaaq, oqarpoq.
NapãtôK’: - Piaartumik iliuuseqarnissat nalliuppoq
Aasianni suliffissuup 116-inik sulisoqartup matuneqarsinnaanera Jens Napãtôp ilanngullugu oqaatigaa.
- Piaartumik iliuuseqartoqarnissaa nalliuppoq. Polar Seafoodip aaqqiissutissarsiortoqanngippat suliffissuup matunissaa aalajangerneqartariaqalissasoq nalunaarutiginikuuaa.
Politikerit (Naalakkersuisut, aaqq.) iliuuseqartariaqalertut Jens NapãtôK isumaqarpoq.
Ataatsimiititaliami ilaasortat tallimat ataasinngormat ataatsimiinnermi tamarmik peqataapput. Jens Jens Napãtôp saniatigut siulittaasoq Bentiaraq Ottosen (A), Ane Hansen (IA), Kristian Jerimiassen (IA) Pipaluk Olsenilu (D) ilaasortaapput.
