Jonathan Willadsenip atuagaq kingullermik atuagaa tassaavoq ‘Vejen’ Cormac McCarthyp atuakkiaa. Atuagaq taanna Amerikami nersornaaserneqarsimavoq, tassanilu oqaluttuarineqarluni ataataasup siunissami silarsuarmi nikallunganartumi ajortumilu ernerminik illersuiniarsarinera.
Jonathan Willadsenip atuagaq taanna nuannarinerpaavaa, immaqa arfineq-pingasoriarluni atuarsimallugu oqaatigaa.
- Allaariaasia nuannarilluinnarakku. Immikkorluinnaq ittuugami, oqarpoq.
Atuakkalli kingullermik atuarneranit piffissaq sivitsulerpoq. Ukiup ataatsip missigilerpaa. Jonathan Willadsenip atuarneq nuannaraa, aamma atuakkanik allanik, piffissamili kingullermi ilungersunartorsiulersimalluni.
Taamaaligaangami qasoqqasutut misigisimasarpoq sinissinnaasaralunilu.
Ullaakkut aatsaat sinilertarpunga, ullukkullu aatsaat itertarlunga, oqarpoq.
TARNIKKUT NAKORSARNEQARNISSAMUT UTAQQINEQ PILLUGU ILANNGUTASSANIK SAQQUMMIUSSINEQ
ukioq ataatsip iluani peqqinnissaqarfimmi tarnikkut nappaat pillugu misissorneqarnissamut utaqqisunut tunngatillugu napparsimasut amerlanerussutaat marloriaataat sinnerlugu amerlisimapput.
Juunimi inuit 950-it utaqqisut allattorsimaffianniipput.
Una saqqummiussinermi immikkoortoq pingajuat tassaavoq, tassani Jonathan Willadsen naapinneqarpoq, ukiut marluk matuma siorna autismimik nappaateqarneranik nalunaarfigineqartoq aammalu maanna takuneqanngitsutut misigisimasoq.
Eqqarsaateqarpallaartarnera tamatumunnga patsisaavoq. Suut tamaasa eqqarsaatigisarlugit oqaluttuarpoq – aamma eqqarsaatinik aalajangersimasunik tikkuaassalluni ajornakusooqaaq.
- Unnuarli sinilluarpunga, maannalu pitsaaneruleriartorlunga, Nuup ilaani Nuussuarmi ulluinnarni pisuttuartarfiani AG-mit naapinneqarami oqarpoq.
Jonathan Willadsen 34-nik ukioqaleqqammerpoq, ukiunilu kingullerni qulini Kalaallit Nunaanni najugaqarluni. Danmarkimi inunngorpoq peroriartorlunilu, angunnili Kalaaleq qaninnerulerniarlugu Nuummut 2016-imi nuulluni.
Ilaatigut aamma Danmarki qimaammilaarusukkamiuk pitsaanngitsumillu inuuneqalersimanerminit aamma ajornartorsiutinit aniguiniarluni nuuppoq. Jonathan Willadsen piffissami sivitsortumi isumatsassimangaarnermik ernumassuteqarnermillu piffissap ilaani atugaqartarpoq.
- Danmarkimi unittooqqagama. Inuunera qanoq atorniarnerlugu nalugakku, oqarpoq.
Angutaa 2022-mi kræfteqalerpoq, aappaaguanilu toqulluni. Jonathan aliasoqaaq, ernumassuteqartarnera isumatsassimangaartarneralu uteqqipput, naalliuutaali tamakku sakkortunerulerlutik. Nakorsamik tarnillu pissusiinik ilisimasalimmik arlaleriarluni oqaloqateqartareerluni tarnikkut erloqissutiminik katsorsarneqarnissaminut utaqqisut allattorsimaffianniilerpoq.
Ukiup affaa qaangiuttoq tarnip nakorsaanit misissorneqarpoq, taassumalu paasitippaa inunnguutsiminik ineriartornermigut ajornartorsiuteqartoq — tassaasumik inoqatinut attaveqarsinnaannginnermik nappaatit ilaannik.
- Taava siusinaartumik pensiuuneqalernissara pitsaanerpaassasoq aalajangerneqarpoq.
Meeraalluni taqussani igittarai
Jonathan Willadsen aalajangersimasunik marlunnik pisuttuartarfeqarpoq, silaannarissarniaraangamilu taakkua marluk paarlakaajaallugit pisuttuartarluni.
Jonathanip atuakkanik atuarnerup pisuttuarnerullu saniatigut iPadimini YouTube-mi videot isiginnaartarpai, guitarernermut tunngasut filmilluunniit isiginnaarnerusarlugit.
Assi: Oscar Scott Carl
Aqqutigisartakkamini siullermi Ilisimatusarfik kaajallattarpaa angummilu toqunnginnermini illua aappaluttoq sanioqquttarlugu. Aviisimi apersorneqartussanngorami tassuuna pisuttuaqatigaatigut.
- Nipiliortoqartaqigami, Jonathan Willadsen lastbiilimik uninngasumik motooriminik ingerlatitsisumik saneqqutsigami oqarpoq.
Jonathan pisuttuartarnemi saniatigut, piffissap annersaa inissiami najugaqarfigisaminiittarpoq. Suliassani nalinginnaasut, soorlu pisiniarneq imaluunniit atuakkanik atorniartarfimmukarnissani, ullaap tungaani isumagisarpai. Tassami Jonathan Willadsenip niaquani pisoqartorujussuusarami, aamma inuppassuit nipilortullu akornanniinnissani nukissaminik atuiffigisorujussuusaramigit.
Allaammi inuit allat nereqatiginissaat ilungersunartittorujussuusarpaa.
- Mikisunnguullungali meeqqerivimmiitillunga atuartillutaluunniit inersimasut allamut isigigaangata anaanama taqualiai igittarpakka, oqaluttuarpoq nangillunilu:
- Allat nereqatiginissaat suli ajornakusoortittarpara, taamaattumillu taama salutsigalunga.
Oqaaseq inoqatinut attaveqarsinnaannginneq Jonathan Willadsenip aatsaat 20-t sinnilaarlugit ukioqarluni naammattoorpaa.
Ukiorpaalunni ilungersuutigereerlugu ilinniarnertuunngorniarfik naammassivaa, HF-imili ilinniarnermi naammassinissaanut ukioq ataasiinnanngortoq, ilinniarnertuunngorniarfimmi ilinniartuutillutik aappariligaata qimappaa, tamannalu sakkortoqaaq.
- Isumatsassimasorujussuanngoramalu tarnip nakorsaanukaqquneqarpunga, taassumali oqarfigiinnarpaanga inuttut pissusilersornikkut ajornartorsiuteqartunga, oqaluttuarpoq.
AUTISME
Autisme, imaluunniit autismespektrummimik nappaateqarneq, ineriartortinnermi annertuumik akornuteqarnermik assigiinngitsunik ataatsimoortitsivoq.
ineriartortinnermi annertuumik akornuteqarneq tassaavoq inuk qanoq pisoqarnerani tamanut qanoq iliornissaanut sunniuteqartartoq.
Autismemik nappaateqartut silarsuaq allatut misigisarpaat paasinnittarlutillu, aammalu amerlanertigut inunnik peqateqarnermi ajornartorsiuteqartarlutik.
autisme.gl naapertorlugu Kalaallit Nunaanni innuttaasut procentiisa ataatsip missaat autismemik nappaateqarput.
Piffissami tamatumani aleqaminut nuuppoq qaammatinilu arlaqanngitsuni tassani najugaqarluni. Aleqaata ikinngutaasa ilaata arnap, tarnip pissusiinik ilisimasallip, Jonathanip ajornartorsiutai tusarpai — piffissallu ilaani oqaaseq „autisme“ oqaatigineqarluni.
- Google-imi ujarlerama tassunga tunngasumik atuagaqarpunga, ilarpassuilu ilisarisinnaallugit, oqarpoq.
Paatsoorneqartutut misigisimasoq
Danmarkimit ukiut qulit matuma siornagut Nuummut nuukkami, piffissami sivikitsuinnarmik tamaani najugaqarnissani pilersaarutigeqqaarsimagaluarpaa.
- Ukiup affaani imaluunniit ukioq ataaseq maaniinnissara eqqarsaataagaluarpoq, maannali ukiut qulit qaangiupput, Jonathan Willadsen qungujulluni oqarpoq.
Nuummiinnermini piffissami siullermi Niuernermik Ilinniarfimmi ilinniartuuvoq kollegiamilu initaarluni. Qaammatilli tallimat qaangiummata ilinniarnini unitsippaa.
Taava taamanikkut aapparisaminut nuuppoq mikisualunnillu assigiinngitsuni suliffeqartarluni — siullermik eqqiaasartutut kingusinnerusukkullu Brugsenimi nioqqutissanik ilisivinnut ilioqqaasartutut sulisarluni.
Kingusinnerulaartukkulli ulapittoqartillugu akiliisitsisarfimmut suliartoqquneqartarluni.
- Akiliisarfimmiinneq ilungersunartuuvoq. Sunik tamanik pisoqarsinnaavoq, toortagassallu amerlaqalutik. Pisiniallu paasisinnaanngisannik oqaaseqarsinnaasarlutik. Kalaallisut oqalussinnaanngilanga, Jonathan Willadsen oqarpoq.
Qaammatit marluk qaangiummata soraarpoq.
Taava taamanikkut aapparisaminut nuuppoq mikisualunnillu assigiinngitsuni suliffeqartarluni — siullermik eqqiaasartutut kingusinnerusukkullu Brugsenimi nioqqutissanik ilisivinnut ilioqqaasartutut sulisarluni.
Kingusinnerulaartukkulli ulapittoqartillugu akiliisitsisarfimmut suliartoqquneqartarluni.
- Akiliisarfimmiinneq ilungersunartuuvoq. Sunik tamanik pisoqarsinnaavoq, toortagassallu amerlaqalutik. Pisiniallu paasisinnaanngisannik oqaaseqarsinnaasarlutik. Kalaallisut oqalussinnaanngilanga, Jonathan Willadsen oqarpoq.
Qaammatit marluk qaangiummata soraarpoq.
Jonathan Willadsen tarnip nakorsaanut 2024-mi nakorsiarami kiisami paasineqartutut misigisimavoq.
Inuit ikittuinnaat inoqatinut atassuteqarsinnaannginneq suunersoq ilisimavaat. Inuit paatsoortarpaat soqutaarpianngitsutut isumaqarfigisarlugu, oqarpoq nangillunilu:
- Eqqanniittulli suut tamaasa maluginiartarpakka, pisoqarneruleraangallu qasusorujussuanngortarlunga.
Soorlu assersuutigalugu ADHD-mik nappaatitulli inoqatinut atassuteqarsinnaannginneq nakorsaatinik katsorsarneqarsinnaanngilaq. Taamaattumik tarnip nakorsaata kingullermik oqaloqatigiinnerminni Jonathan Willadsen kommunimut siusinaartumik pensiuuneqalernissaminik qinnuteqaqqullugu siunnersormagu, allanik periarfissaqarpallaanngilaq.
- Apeqqutissaqarnersunga aperivaannga, kisianni taamaanngippat tassaniippoq.
Jonathan Willadsen takussaanngitsutut inuiaqatigiinnillu inooqataaffigisaminit ilaajunnaarsitaasutut misigisimavoq.
Assi: Oscar Scott Carl
Nunatsinni siunissaqanngitsoq
- Jonathan Willadsen inissiami ataatsimik initalimmi ullumikkut najugaqarallarpoq. Suliffeqannginnami, ilinniartuunanilu qaammammullu 9000 koruuninik siusinaartumik pensiuuneqarami, angummi toqunerata kingorna angerlarsimaffissarsisinnaanissani ajornakusoortissimaqaa.
Nammineq initaarusukkaluarpoq, aammami isumaginninnermi inissarsiortutut allatsissimavoq, naluaali qaqugu inissarsissunneqarsinnaanerluni.
Naak Jonathanip Nuummiinnini nuannarigaluarlugu Danmarkimut angerlarsileraluttuinnarluni maluginiartalerpaa.
- Nappaateqarlunga paasitinneqareernerma kingorna, siusinaartumik pensiuuneqartinneqalerama, inuiaqatigiinnit atorfissaarunneqartutut misigisimavunga, oqarpoq.
Nuummiilli nuunnissaq imaannaanngilaq, tassami Danmarkimi qanoq inissisimalernissani nalornissutigigamiuk - aammali nuunnissaq allannguerujussuartussaammat.
- Aammami inuuninni pissutsit allanngoraangata ilungersunartittarakkit, Jonathan Willadsen oqarpoq.
Siunissani qanoq ikkumaarnersoq takorlooruminaatsittorujussuuaa. Naak inuusuttut amerlanerit assigalugit ilinniagaqarnissani suliffigissaalernissanilu takorloortarsimagaluarlugit.
Inuunini ingerlallualeraangat atuakkiortunngorusulluni imaluunniit assiliisartunngorusulluni suli takorloorsinnaasarpaa.
- Annerulaartumilli pisoqaraangat qasusorujussuanngortarpunga, taamaattumik nukissaqarnissara massakkut amigaatigaara. Angusaqarusunnera piumassuseqarneralu suli atuukkaluarput, oqarpoq.
Jonathan Willadsenip peqqissutsimik isumaginnittuni tarnip nakorsaanit paasineqarluarnini nuannaarutigaa. Napparsimasulli nappaataat suussusersineqareeraangata siusinaartumik pensiuuneqalersiinnarneqartarmata, aaqqissuussineq kukkuneqartoq, isumaqarpoq.
Assi: Oscar Scott Carl
