Kalaallit Nunaannit pineqaatissinneqarnikoq Københavnimi qimaasoq

Angut 23-nik ukiulik pineqaatissinneqarsimasoq Kalaallit Nunaannut utissalluni Københavnip mittarfianiit qimaavoq. Ujaasineq sivikitsoq ingerlareersorlu angut politiinit tigusarineqarpoq.

Assi: Oscar Scott Carl

Morten Okkels Morten Okkels Tusagassiortoq

Saqqummersinneqarpoq 20. Juuli 2026 - 12:35

Ussassaarut

Københavnimi politiit angut 23-nik ukiulik inunnut navianartorsiortitsisimasutut eqqartuunneqarsimasoq ataasinngornermi ullaakkut ujaaraat.

Angut Rigshospitalimi uninngareerluni Kalaallit Nunaannut utertussaavoq, Københavnilli mittarfianiinnermini politiinit qimaanissamut periarfissaq atorpaa.

Nutartigaq: Angut inuusuttoq politiinit qimaasimasoq siusinnerusukkut allaaserineqarpoq. Pineqartoq piffimmi tassani politiinit tigummineqarsimanngitsoq Kalaallit Nunaanni Politiit erseqqissaapput.

Angut 23-nik ukiulik kingullermik Tivolimi takuneqartoq politiinit ujaarineqarpoq, assialu tusagassiuutinut nassiunneqarluni.

Tamatuma kinguninngua politiit nalunaarput pineqartoq tigusarineqarsimasoq, taamaattumillu tusagassiuutit assinik siammarterinissaat pisariaaruppoq.