KL

DK

Kannguttaatsuliortoq piffissaligaanngitsumik inissiisarfimmiittussaajunnaartoq

Nunatta Eqqartuussisuuneqarfiata Qeqqata Eqqartuussiveqarfiani aalajangiineq allanngortippaa. Taamaalilluni angut 38-nik ukiulik Sisimiuni nukappiaqqanut inuusuttunut kannguttaatsuliorsimasutut piffissaligaanngitsumi inissiisarfimmiittussanngortinneqarnera atorunnaarpoq.

Suliaq Sisimiuni ingerlanneqarneruvoq, eqqartuussulli Nuummi sisamanngornermi atuarneqarpoq.
Morten Okkels Morten Okkels Tusagassiortoq / aviisiortoq
Saqqummersinneqarpoq

Angut 38-nik ukiulik nukappiaqqanut 13-iniit 17-inut ukiulinnut Sisimiuni kinguaassiuutitigut pinerluuteqarsimasoq ukiuni sisamani pineqaatissinneqarsimasunut inissiisarfimmiittussanngortinneqarpoq. Eqqartuussut Nunatta Eqqartuussisuuneqarfiani sisamanngornermi ullaap tungaani atuarneqartoq taama nipeqarpoq.

Taamaalilluni Nunatta Eqqartuussisuuneqarfiata angut 38-nik ukiullip Qeqqata Eqqartuussiveqarfiani piffissaligaanngitsumik inissiisarfimmiittussanngortinneqarnera allanngortippaa.

Angut 38-nik ukiulik nukappiaqqanut 13-iniit 17-inut ukiulinnut Sisimiuni kinguaassiuutitigut pinerluuteqarsimasoq ukiuni sisamani pineqaatissinneqarsimasunut inissiisarfimmiittussanngortinneqarpoq. Eqqartuussut Nunatta Eqqartuussisuuneqarfiani sisamanngornermi ullaap tungaani atuarneqartoq taama nipeqarpoq.

Taamaalilluni Nunatta Eqqartuussisuuneqarfiata angut 38-nik ukiullip Qeqqata Eqqartuussiveqarfiani piffissaligaanngitsumik inissiisarfimmiittussanngortinneqarnera allanngortippaa.

Piffissaliussaq eqqaassanngikkaanni Nunatta Eqqartuussisuuneqarfiani eqqartuussivimmi eqqart assinguvoq. Angut kannguttaatsuliorsimasutut nukappiaqqallu nalusaannik isertortumik immiussisimanerisigut eqqissisimaneramik akornusiisutut eqqartuunneqarpoq.

Pisumi ataatsimi pinngitsaaliisutut, tassa nukappiaqqamut sinittumut usuanik tigusisimasutut, pisuutinneqarpoq. Angut aamma kannguttaatsuliornermut tunngasunik immiussanik amerlasuunik peqarpoq.

Piffissaligaanngitsumilli inissiisarfimmiittussanngortinnissaanut tunngavissaqanngitsoq Nunatta Eqqartuussisuuneqarfiani eqqartuussut atuarneqarmat oqaatigineqarpoq:

- Unnerluutigineqartoq siusinnerusukkut pingasoriarluni pineqaatissinneqarnerani kinguaassiuutitigut kannguttaatsuliorsimasutut pineqaatissinneqarnikuunnginnera, eqqartuussivimmi aalajangiinermi pingaartinneqarpoq. Taakkunani qaammatinit tallimanit amerlanerusunik pineqaatissinneqarsimanngilaq, eqqartuussisoq Jens Stausbøll oqarpoq.

Aammattaaq angutip eqqarsartaasaata marloriarluni misissorneqarnerisa inerneri assigiinngimmata piffissaligaanngitsumik inissiisarfimmiittussanngortitsisoqarsinnaanngilaq. Taamaattoqarneralu unnerluutigineqartumut iluaqutaavoq, tassa sakkukinnerusumik pineqaatissinneqarluni ukiuni sisamani pineqaatissinneqarsimasunut inissiisarfimmiittussanngortinneqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit

Atorfiit tamaasa takukkit

PODCASTI

Se alle jobs

Powered by Labrador CMS