Keflavikimi mittarfik milliardikkaanik aningaasaliiffigineqartussanngortoq

Islandimi Keflavikimi mittarfimmi sanaartorneq milliardilikkaanik nalilik ukioq manna aallartinneqarpoq. Mittarfiit illutaat avannarlermiittoq kujallermiittorlu atatilerneqassapput.

Islandimi Keflavikimi mittarfik allilerneqaqqissaaq, ukioq mannalu sulineq aallartinneqarluni.

Toqqorsivimmit: Keflavik Lufthavn / årsrapporten 2024

Jørgen Schultz-Nielsen Jørgen Schultz-Nielsen TUSAGASSIORTOQ / TUSAGASSIORTOQ

Saqqummersinneqarpoq 3. martsi 2026 - 09:01

Ussassaarut

Keflavikimi mittarfiup illutaa kangiatungaaniittoq siorna ammarneqarpoq, tamannalu 1,6 milliardit koruuninik akeqarsimalluni. Maanna mittarfiup illutaai attassuserniarlugit qeqqanni sanaartorneq aallartippoq, taannalu 1,15 milliardit koruuninik akeqassaaq, Islandimi tusagassiorfik Iceland Review allappoq.

Mittarfiup illutaasa qeqqanni naapiffik nutaaq 27.000 kvadratmeteringajannik angissuseqassaaq, sanaartornerullu nalaani angalasut mittarfiup illutaanut marlunnut isersinnaaqqullugit ingerlavissaliortoqassaaq. 2031-mi naammassineqarnissaa naatsorsuutigineqarpoq.

- Mittarfiup illutaata kangianitungaaniittup siorna februaarimi atulersup nanginneraa, taamaalilluni timmisartoqarfimmiissinnaasut 30 procentimik amerleriarput, tamannalu ISK-nik 30 milliardinik (1,6 milliardit koruuninik) akeqarpoq. Illup kujataatungaani immikkut sanaartuukkap, 3,6 milliardit ISK-nik (190 mio. kr) nalillip, Parking Ten-itut nalunnginneqartup qaammatip tulliani ammarnissaa naatsorsuutigineqarpoq, islandimi tusagassiorfik allappoq.

Ukioq manna januaarimiinnaq ilaasut 443.492-it mittarfik aqqutigalugu angalasimapput.