Kigutileriffik erngup aqqutaanik ajoquserneqareerluni ammaqqittoq

Qaqortumi kigutileriffik ininut nutaanut nuunneqareerluni ammaqqippoq.

Qaqortumi kigutileriffik ataasinngornermi ammaqqippoq.

Assi: Kalaallit Nunaanni Peqqinnissaqarfik

Thomas Munk Veirum Thomas Munk Veirum Tusagassiortoq

Saqqummersinneqarpoq 27. Apriili 2026 - 09:08

Annonse

Qaqortumi kigutileriviup inini nutaani ammaqqinneqarnera Kigutileriveqarfimmiit ilisimatitsissutigineqarpoq

Kigutileriviusimasoq erngup kuuttup arlaleriarluni innarliisarnikuunerata kinguneranik matusaqattaartarnikuuvoq, taamaattoqarneralu kiffartuussiniarnermut eqquisarluni:

- Erngup kuuttup innarligaanik ajoqusernernik iluarsaasaqattaarunnaarluni kigutilerivillu matusaqattaartariaarulluni siunissami innuttaasunik kiffartuussineq ataavarnerusumik ingerlanneqarsinnaanngussaaq, Kalaallit Nunaanni Peqqinnissaqarfik tusagassiuutitigut taama nalunaaruteqarpoq.

Nutserneq sullivimmi pissutsinik pitsaanerulersitsinissaa aamma naatsorsuutigineqarpoq.

Kigutileriffiup nutaap alakkarnissaanut soqutiginnittut ukiumoortumik kigutigissarnermut ullorititaasoq eqqorlugu pingasunngornermi maajip arfernani takuniaasinnaapput.

Kigutileriffik nutaaq Qaqortumi Skolevej B-826-miippoq.