Australiamiut aatsitassarsiornermik ingerlatsiviat Energy Transition Minerals, Kuannersuarnut tunngatillugu Namminersorlutik Oqartussanik eqqartuussivimmut suliassanngortitsisoq, sulianik maanna ingerlataminik USA-mut nussuilluni ulapputeqarpoq.
Suliffeqarfiup Amerikamiut aningaasaliisarfiannik Cohen & Capitol Market-imik isumaqatigiissuteqarluni, januaarip aallartinnerani nalunaarutigaa. Tamatumani siunertaralugu suliffeqarfiup USA-mi børsimi nalunaarsorneqarsinnaanerata misissuiffigineqarnissaa.
Australiamiut aatsitassarsiornermik ingerlatsiviat Energy Transition Minerals, Kuannersuarnut tunngatillugu Namminersorlutik Oqartussanik eqqartuussivimmut suliassanngortitsisoq, sulianik maanna ingerlataminik USA-mut nussuilluni ulapputeqarpoq.
Suliffeqarfiup Amerikamiut aningaasaliisarfiannik Cohen & Capitol Market-imik isumaqatigiissuteqarluni, januaarip aallartinnerani nalunaarutigaa. Tamatumani siunertaralugu suliffeqarfiup USA-mi børsimi nalunaarsorneqarsinnaanerata misissuiffigineqarnissaa.
Kingullertullu ingerlatseqatigiiffik eqqartuussissuserisunut aamma sunniiniartartumut Ballard Partnersimut suleqateqalerpoq, tamatumani siunertaralugu „Amerikamiunut attaveqarnerup nukittorsarneqarnissaa aamma saffiugasanik pingaarutilinnik USA-p pisariaqartitaannik, pilersuisutut siuariartortutut inissisimaffimminik pitsanngorsaaniarluni“.
USA-mi sunniuteqarnerulerusuttoq
Suleqatigiinnissaq nutaaq tamanna suliffeqarfiup aningaasanik niuerfimmut nalunaarusiaani allassimavoq, tassanilu pisortaq Daniel Mamadou ima oqaaseqartoq issuarneqarluni "Amerikami soqutigisaqaqatigiinnut attaveqarluarnerulerumalluni immikkut ilisimasallit nuimasut pisariaqartinneqartut".
"Oqartussaasut pisortallu akornanni ilisimasalinnik Amerikamiunik toqqaaneq naalakkersuinikkut aningaasaliisunullu attaveqarnitsinni eqqortumik tapersersorneqarnissatta qulakkeernissaanut, Amerikap Avannaani suliniuteqarnitsinnik siuarsaanitsinnut nunanilu tamalaani periusissiatsinnik siuarsaanissamut iluaqutigissavarput“, nalunaarummi allassimavoq.
Ballard Partners USA-mi eqqartuussissuserisut sunniiniartartullu suliffeqarfiattut pissaaneqarluartut ilaattut isigineqarpoq, Trumpillu allaffeqarfianut qanimut attaveqarluni, ilaatigut inatsisinik atortitsinermut ministerimut Pam Bondi-mut ukiorpassuarni Ballard Partnersimi sulisimasumut. Tamakku saniatigut ingerlatseqatigiiffiup teknologimi suliffeqarfissuit, soorlu Amazon aamma Meta sullitarai.
Eqqartuussinermi iluatitsinerusinnaaneq
Aalborgip universitetiani aningaasaqarnermut tunngasunik professori naliliivoq, Amerikamiut soqutiginninnerat eqqartuussivimmi iluaqutaasussatut immaqalu piiaanissamut akuersissummik pissarsinissamut tunngasuteqartoq.
– Aperisoqarsinnaavoq sooq USA-mi periusissiornermut siunnersorneqassanersut? Kalaallit Nunaanni eqqartuussivitsigut suliarineqarput. Nassuiaatissaalluarnerpaasoq tassaavoq ingerlatseqatigiiffiup takusinnaagaa, Amerikamiut soqutigisaannut attuumassuteqartoq, taamaalillutik eqqartuussivimmi suliarineqarnerminnut iluatsitsisinnaallutik immaqalu Kuannersuarni piiaanissamut akuersissummik pissarsisinnaassallutik. Kalaallit Nunaat USA-mit tiguarneqassagaluarpat ingerlatseqatigiiffik saffiugassanik piiaaqqusaassasoq takorlooruminarpoq. Tamannarpiaallunilu neriuutigisaat, Per Nikolaj Bukh oqarpoq nangillunilu: - Tamatuma saniatigut sunniiniartartumik Trumpip aqutsisuinut qanimut attaveqartumik suleqateqaraanni tamanna immikkut pitsaasuuvoq.
Energy Transition Mineralsip Kuannersuarni suliniummik ingerlatseqqissinnaaneq piiaanissamut akuersissummik pissarsinissaq piumasaqaatigaa. Tamanna pisinnaanngippat 76 milliardit koruuninik taarsiiffigitinnissartik piumasaraat.
