USA-p præsidentia USA maanna piffissaligaanngitsumik Kalaallit Nunaannut "killeqanngitsumik isersinnaalersoq" FOX News-imi oqarpoq. USA-lu akiliiunnanngitsoq aamma oqaatigaa.
Sermitsiap præsidentimit oqaaseqaatit Peter Viggo Jakobsenimut, Illersornissamut ilinniarfimmi lektoriusumut, saqqummiuppai. Trumpip illersornissaq pillugu isumaqatigiissut tunngavigalugu periarfissareriikkaminik piumaqarnera paasiuminaatsillugu Sermitsiamut oqarpoq:
USA-p præsidentia USA maanna piffissaligaanngitsumik Kalaallit Nunaannut "killeqanngitsumik isersinnaalersoq" FOX News-imi oqarpoq. USA-lu akiliiunnanngitsoq aamma oqaatigaa.
Sermitsiap præsidentimit oqaaseqaatit Peter Viggo Jakobsenimut, Illersornissamut ilinniarfimmi lektoriusumut, saqqummiuppai. Trumpip illersornissaq pillugu isumaqatigiissut tunngavigalugu periarfissareriikkaminik piumaqarnera paasiuminaatsillugu Sermitsiamut oqarpoq:
– Uanga isumaga malillugu USA sakkutooqarfiit pillugit isumaqatigiissummi atuuttumi periarfissaqareerpoq. Trumpili eqqunngitsumik annertuumik oqaaseqaqattaartareerpoq.
- Maanna nunamut tuumilluni ajugaanini oqaatigisariaqalerpaa. Taamaanngippat illaruaatigineqassagami, Peter Viggo Jakobsen oqarpoq.
- Europami qinnuuloortatukasiit
Trump Amerikamiunut USA-mut "torrassuarmik" iliuuseqarsimanini pillugu oqariatuuteqarnialertoq taassuma nalilerpaa:
- Europamiut qinnuuloortartukasinnit akeqanngitsumik pissarsivoq. Oqaluttuaq taanna angalanermini siammartissavaa, tusaanngitsuusaaginnassavarpulli, taamaalilluta Amerikamiunut attaveqarluarsinnaassalluta, Peter Viggo Jakobsen oqarpoq.
SA-p præsidentiata Donald Trumpip pingasunngornermi unnukkut oqareernerata kingorna ministeriuneq taama nalunaaruteqarpoq. Præsindetip akitsuusersuinialersaarnini aamma taamaatippaa.
Trumpip Kalaallit Nunaat pillugu isumaqatigiissuteqarnissamut sinaakkutit inissinneqartut pingasunngormat unnukkulli oqarmat, taakku sunik imaqarnersut isumaliutersuutigineqaqattaarpoq, aamma Nato-p generalsekretæria Mark Rutte Kunngeqarfik sinnerlugu Trumpimut akuersissuteqarsimanersoq.
Golden Dome pillugu nalunaarut qularigaa
Peter Viggo Jakobsenip taamaattoqarsorinngilaa:
– NATO-mi generalsekretærimit Mark Ruttemit aamma pissarsisinnaanngilaq. Soorlu danskit ministeriunerata oqaatigigaa, Kalaallit Nunaat Danmarkilu kisimik USA toqqaannartumik isumaqatiginninniarfigisinnaavaat, taamaattoqarnikuunanilu, Peter Viggo Jakobsen oqarpoq.
Donald Trump silaannakkut illersuut Golden Dome Kalaallit Nunaanni inissinneqarumaartoq Fox News-imit apersorneqarnermini oqarpoq. Radarili Pituffimmiittoq USA-mut missilinik aallartitsisoqassanersoq nakkutigigaa Peter Viggo Jacobsen oqarpoq_
- Golden Dome torrappaseqaaq, pingaartumik kuultimit sanaajummat. Kisiannili siunissaq pillugu filimiluatulli ippoq, Trumpimmi takorluugai piviusunngorsinnaanngitsut immikkut ilisimasallit isumaqarput. Taamaammat piviusorsiorpallaanngilaq.
