Løkke USA-mik Kalaallit Nunaat pillugu isumaqatigiissuteqarnissamik mianersortumik isumalluartoq

Nunanut allanut ministeri Lars Løkke Rasmussen (M) Danmarkip, Kalaallit Nunaata USA-llu akornanni isumaqatigiissuteqartoqarsinnaaneranut suut naammassineqarsinnaanerannut atatillugu ”mianersortumik isumalluarpoq”.

Det Udenrigspolitiske Nævnip tallimanngornermi ataatsimiinnerata kingorna taama oqarpoq, tassani nævnimi ilasortat ”nuimasuni”, nunat pingasut akornanni januaarimi aallartinneqartumi suliaqarneq pillugu ilisimatitsivoq.

Lars Løkkelli aamma nunani allani isumaqatiginninnarnermik ingerlatsisimasuni qanoq pisoqarsimanera eqqummaariffigaa. Taassuma Canadap USA-llu akornanni niuernermik isumaqatigiissut pillugu isumaqatiginninniarnerit, qanittumi ajalusoortut taavai.

- Taamaammallu una pillugu inaarutaasumik naliliinissanut assut mianersorpunga. Isumaqatigiissuteqarsimatinnata suli isumaqatigiissuteqanngilagut. Oqaloqatiginninnernillu ukunannga ingerlatsinerput pitsaasuuvoq.

- Tamatuma mianersortumik isumalluartippaanga, naak naggataagut Amerikamiut præsidentitat ullormi kingullermi isumaqatigiissummik taamaattumik akuersinissamut tamakkiisumik piginnaaneqarunaraluartoq, Lars Løkke Rasmussen tusagassiortunut takkuttunut oqarpoq.

Inaarutaasumik isumaqatigiissummi ”Kalaallit Nunaata Danmarkillu akuersaarsinnaasaannut killiliussat ataqqillugit Amerikamiut isumannaallisaanikkut patsisissaqartumik isiginiagassaattut taaneqartut akuersaarneqassapput”, Løkke nangilluni oqarpoq.

Nunanulli allanut ministeri suleqatigiissitat qulaajaanerannut tunngasumik piffissaliussami ”nutaarluinnarnik” oqaatigisassaqanngilaq.

Ukioq naatinnagu aaqqiissummik nassaartoqarnissaa, Lars Løkkep juunimi naatsorsuutigaa.

RITZAU