Maniitsumi arnap toquneranut atatillugu angut tigummigallarneqarpoq

Angut arnap 29-nik ukiullip sapaatip akunnerata naanerani toquneranut atatillugu tigusarineqartoq ulluni 28-ni tigummigallarneqassasoq eqqartuussiviup aalajangerpaa.

Maniitsumi pasinartumik toqusoqarneranik politiit misissuipput, suliamullu atatillugu angut maanna tigummigallarneqalerpoq.

Foto: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 25. Aggusti 2026 - 10:14

Ussassaarut

Maniitsumi arnaq 29-nik ukiulik sapaammi ullaakkut toquvoq. Politiit nalunaarput toqusoqarnera pasinartutut misissuiffigineqartoq, tamatumunngalu atatillugu angut tigusarineqarsimasoq.

Angut tigusarineqartoq ataasinngornermi eqqartuussivimmi killisiorneqarpoq, unnerluussisullu piumasaraat tigummigallarneqassasoq.

Paasiniaanermi pisortaq, politikommissæriugallartoq Johannes Lyberth, Sermitsiamut oqarpoq eqqartuussivik aalajangersimasoq angut ulluni 28-ni tigummigallagassanngortinneqassasoq. Illersuisut aalajangiineq Nunatta Eqqartuussisuuneqarfianut suliareqqitassanngortissimavaat.

Paasiniaanermut pisortaq nangilluni oqarpoq, paasiniaanerup ingerlanera eqqarsaatigalugu killisiuineq matoqqasumik ingerlanneqarmat suliaq pillugu oqaaseqarsinnaanani, aamma angut sorpiaat pillugit unnerluutigineqarnersoq oqaatigisinnaanagu.

Sapaammi ullaakkut nalunaaqutaq 07.27 Kalaallit Nunaanni Politiit arnaq 29-nik ukiulik Maniitsumi napparsimmavimmi toqusoq pillugu nalunaarfigineqarput.

Ussassaarut

Sapaammi unnukkut politiit nalunaaruteqarput toqusoqarnera pillugu misissuineq aallartinneqartoq.