Maniitsumi atuarfik annertuumik ikuallattoq – pujoq ingalassimasiuk

Politiit putsumit ingalassimanissamut igalaanillu matooraanissamut Maniitsumi innuttaasut kaammattorpaat. 

Maniitsumi Atuarfik Kilaaseeraq annertuumik ikuallappoq.   

– Ikuallanneq annertuvoq, qatsersisartullu ilungersorlutik sullipput. Inuit putsumit ingalassimanissaannik igalaallu matuneqarnissaat qinnutigaarput, pigaartut pisortaat Karsten Højrup Kristensen oqarpoq. 

Maannakkut suliap qaqugu naammassinissaa ilimagineqarnersoq pillugu oqartoqarsinnaanngilaq.  

– Atuarfik iluarsaanneqarpoq, ikuallannerlu qalissialersuinermut atatillugu pilersimasinnaasoq, pigaartut pisortaat ilisimatitsivoq.