Maniitsumi inuusuttoq tillinniaq tigusarineqartoq

Maniitsumi Brugseneeqqami tillinniartoqartoq sisamanngornermi ullaap tungaani nal. 10.40 politiit nalunaarfigineqarput.

- Pisiniarfimmi tillinniartoqarsimavoq, tassanilu sulisut ilaat nakuuserfigisimallugillu sioorasaarsimavai, politiineersoq Aputsiaq Hansen oqarpoq.

Nukappiaraq 15-it 18-illu akornanni ukiulik pasineqartoq tigusarineqartoq taassuma aamma oqaatigaa.

Inuusuttuaraq tallimanngornermi tigummigallarneqarnissani siunertaralugu eqqartuussivimmut sassartinneqassaaq.

Aputsiaq Hansenip inuusuttup pinerlunnermut tunngasunik arlalinnik suliaqarfigineqarnera pissutaaqataalluni eqqartuussivimmut sassartinneqartussanngortoq aamma oqaatigaa.