Maniitsumi pasinartumik toqusoqarneranut atatillugu angut tigusaq iperagaavoq

Nunatta Eqqartuussisuuneqarfia aalajangerpoq angut arnap 29-nik ukiullip pasinartumik toquneranik misissuinermut atatillugu tigusarineqartoq iperagaassasoq.

Nunatta Eqqartuussisuuneqarfia aalajangerpoq angut Maniitsumi arnap toquneranut atatillugu tigusarineqartoq iperagaassasoq.

Toqqorsivimmit assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 26. Aggusti 2026 - 13:20

Ussassaarut

Maniitsumi arnap 29-nik ukiullip toquneranut atatillugu, angut sapaammi tigusarineqarpoq.

Angut ataasinngornermi inatsisit tunngaviusut naapertorlugit killisiorneqarpoq, unnerluussisussaatitaasup piumasarisimavaa angut tigummigallarneqassasoq. Inatsisit tunngaviusut naapertorlugit killisiuineq matoqqasumik ingerlanneqarpoq, angullu qanoq pasineqarnersoq paasissutissiissutigineqanngilaq.

Nunap immikkoortuani eqqartuussivik aalajangerpoq angut tigummingallarneqassasoq, Nunatta Eqqartuussisuuneqarfiatali aalajangiineq marlunngornermi allanngortippaa.

Taamatut Kalaallit Nunaanni Politiit, tusagassiutitigut nalunaaruteqarput.

– Arnap toquneranut atatillugu pisut Kalaallit Nunaata Politiivinit suli misissorneqarput. Misissuineq maannakkut ingerlasoq pissutigalugu piffissami matumani suliaq pillugu Kalaallit Nunaata Politiivi oqaaseqarsinnaanngikkallarput, politiit nalunaarummi allapput.