Piper 28-p Amerikami nalunaarsorsimasup pingasunngornermi ullaakkut Narsarsuup avataani Davis Strædekkut ingerlanermini motooriminik ajornartorsiulerluni ajunaalernermik kalerrisaaruteqalernera pissutigalugu ajornartoortoqalerpoq.
Timmisartoq nutaarluinnaq N993DX-imik nalunaarsorneqarsimasoq marlunnillu ilaasoqartoq Canadami illoqarfimmit Goose Bayimit Narsarsuup tungaanukarpoq, Naviair ilisimatitsivoq.
Piper 28-p Amerikami nalunaarsorsimasup pingasunngornermi ullaakkut Narsarsuup avataani Davis Strædekkut ingerlanermini motooriminik ajornartorsiulerluni ajunaalernermik kalerrisaaruteqalernera pissutigalugu ajornartoortoqalerpoq.
Timmisartoq nutaarluinnaq N993DX-imik nalunaarsorneqarsimasoq marlunnillu ilaasoqartoq Canadami illoqarfimmit Goose Bayimit Narsarsuup tungaanukarpoq, Naviair ilisimatitsivoq.
N993DX-ip Kalaallit Nunaata silaannartaanut pinissaa sioqqutitsiarlugu timmisartup motooria ajornartorsiuteqartoq Naviairip Flight Information Center (FIC) Nuummiittoq nalunaarfigineqarsimavoq – timmisartortartullu motoori ulorianartorsiulersinnaasoq ernumassutigaa.
Taamaammat FIC-ip Naviairip annaassiniarnissamik pilersaarusiortarfia (RCC) aallartinneqarlunilu Issittumi Sakkutooqarfik oqaloqatigilluarlugu qulimiguulik Seahawk umiarsuarmi alapernaarsuummi Thetisimiittoq Kangilinnguit eqqaanniittoq piareersarneqassasoq aalajangerneqarpoq. Timmisartup qulimiguullip Seahawkip piareersarneqarnerani Thetis kinguarsarumanani kujammut saqippoq.
Motoori unitttoortoq
Timmisartoq N993DX nunatta silaannartaanut pimmat nalunaaquttap-akunnera ataaseq qaangiuttoq timmisartup motooria unittoormat Mayday aallartinneqarpoq. Timmisartortartulli motoori aallarteqqissinnaasimavaa.
Piper 28, assimi takuneqarsinnaasup assinga, pingasunngornermi ullaap tungaani Narsarsuup kitaatungaani imaatigut ajunaalernermik kalerrisaarivoq.
Assi: Mike Burdett - flickr, CC BY-SA 2.0
Timmisartoq Paamiuni mittussanngoraluarpoq, timmisartortartorli Narsarsuarmut ingerlaniarluni aalajangerpoq – tassanilu suut tamarmik ingerlalluarput, timmisartorlu taamaalilluni Kalaallit Nunaata nalunaaqutaa malillugu nal. 11 qaangilaaraa Narsarsuarmut ajunngitsumik mippoq.
Sakkutuut qulimiguuliutaat Seahawk maannakkut atorneqartariaqanngikkaluartoq qulimiguulik qangattarmat Naviairimit nuannaarutigineqarpoq.
Pisimasoq tamanna arlalitsigut timmisartup Piperip 2024-mi juulip 29-ani Davisstrædekkut Narsarsuup kujammut kitaani 56 sømilinik ungasitsigisumi motoria qamimmat pisumut assinguvoq. timmisartortartoq ilaasorlu ataaseq timmisartumiipput. Motori qamimmat imaanut migasuartoqarsimavoq, ilaasullu marluk annanniummiittut alapernaarsuummit Tritonimit nalaatsornerinnakkut sumiiffimmiittumit sukkasuumik qaqinneqarput.
Upalungaarsimasut pinasuartut
- Pingasunngornermi pisimasutut pisoqartillugu upalungaarsimanerup aallartipallattarnissaa pingaaruteqarpoq. Naviairip Issittumilu Sakkutooqarfiup suleqatigiinnerat pisussaasutut ingerlalluarpoq, tamannalu nuannaarutigalugulu naammagisimaarpara, Nuummi Naviairimi ulluinnarni pisortaq Henrik Jensen Sermitsiamut oqarpoq.
Taanna Carsten „Junior“ Brandtimit, RCC-mi pisortaasumit, taperserneqarpoq:
- Siullermik N933DX-ip qaangiilluarnera soorunami nuannaarutigeqaarput. T0amannattaarli Naviairip, ujaasinermik akisussaasup, Issittumilu Sakkutooqarfiup taakkualu immikkoortortaqarfiisa suleqatigiilluarnerat pillugu ersersitsivoq.
Timmisartoq maanna Narsarsuarmi mittarfimmiippoq, Naalagaaffiullu Ajutoortoqartillugu Misissuisarfiata misissuinini naammassinissaata tungaanut tassaniittussanngorpoq, Kristian Sivertsen Ajutoortoqartillugu Misissuisarfimmeersoq oqarpoq.
Timmisartoq Piper Amerikami nalunaarsorsimasoq nutaarluinnaavoq. Timmisartoq taanna nittartagaq Flight Aware naapertorlugu 2026-mi februaarip 24-ani USA-mi silaannakkut angallannermut oqartussanit timmisartorsinnaanngortinneqarpoq.
