KL

DK

ALLAASERISAQ ANINGAASALIIFFIGISAQ

Mistalinngortoq: Oqaasertaleruminaatsumik nuannerpoq

Alfred Mølgaard Sisimiuni Teknikimik Ilinniarfiup (KTI) aamma Lyngbymi Teknikap Kalaallit Nunaanni ilinniarfittut neqeroorutaanni mistalitut siullersaalluni naammassivoq. Atorfinnut periarfissat pitsaasut utaqqiinnalerput, nuna tamakkerlugumi mistalinnik pisariaqartitsisoqartorujussuuvoq.

Alfred Mølgaard Kalaallit Nunaanni Teknikimik Ilinniarfiup (KTI) Sisimiuniittup Lyngbymi Teknika suleqatigalugu mistalinngorniarfimmik 2022-mi ilinniarfigineqarsinnaanngortumi kalaallini siullersaalluni naammassivoq. Nunaqavissut amerlanerusut ilinniarsimasunngornissat, Kalaallit Nunaannilu suliffeqarfinnut atassuteqarnerup annertusinissaa siunertarineqarpoq. Alfred Mølgaard ilinniarnermini angajoqqaaminit, angajuminit aappakuminiillu tapersersorneqarpoq. Taanna januaarimi allagartartaarmat arnaa Betty Mølgaard najuuppoq.
Annoncørbetalt Indhold Annoncørbetalt Indhold
Saqqummersinneqarpoq

Kalaallit Nunaanni Teknikimik Ilinniarfiup (KTI) Sisimiuniittup Lyngbymi Teknika suleqatigalugu 2022-mi aggustimi mistalinngorniarfimmik aallartitsivoq (Teknika novembarip aallaqqaataata 2024-p tungaanut Maskinmesterskolen Københavnimik ateqarpoq). Nunaqavissut amerlanerusut ilinniarsimasunngornissat, Kalaallit Nunaannilu suliffeqarfinnut atassuteqarnerup annertusinissaa siunertarineqarpoq.

Ilinniartulli siulliit ikittuinnaapput. Alfred Mølgaard taakku ilagaat, maannalu siullersaalluni allagartartaarpoq.

- Oqaasertaleruminaatsumik nuanneqaaq, 35-nik ukiulik Qeqertarsuarmiu Alfred Mølgaard oqarpoq.

– Kalaallit Nunaannut uternissara sulilernissaralu kissaatigaara. Mistalitut ilinniagaq assigiinngitsorpassuarnik periarfissarpassuaqarpoq. Sunaluunniit periarfissatut isigaara, suliffeqarfiilli tamaasa oqaloqatiginissaannut ammavunga, Alfred Mølgaard illarluni oqarpoq, tamatumalu takutippaa arlaleriarluni neqeroorfigineqareersimasoq.

Nunami imaanilu teknikikkut atortut aserfallatsaaliornissaannik ikkussuunnissaannillu mistalittut ilinniarsimasut Kalaallit Nunaat tamakkerlugu amigaatigineqartorujussuupput.
DANSK

Suliffissatut periarfissarpassuit

MISTALINNGORNIARNEQ PILLUGU PAASISSUTISSAT

Teknika Lyngbymi qullersaqarfeqarpoq 1000-illu missaannik ilinniartoqarluni.

Mistalinngorniarfik ukiunik 120-nik pisoqaassuseqarpoq.

Sisimiuni ilinniarnerup immikkoortua siulleq, sannavimmi ilinniarneq, aallartinneqarsinnaavoq. Sanavimmi ilinniartunngussaguit ilinniarnertuunngorsimanissaq piumasaqaataavoq. EUD-mi naammassisimaguit sanasutullu ilinniartitsiffiusoq ataaseq attuumassutilik naammassisimallugu taava Lyngbymi Kalundborgimiluunniit Danmarkimiittumi semesterip sisamaat aallartissinnaavat.

Teknikap nittartagaani sanasut ilinniagaat attuumassutillit pillugit allattorsimaffik takujuk: teknika.dk/ansog-og-adgangskrav

Ilinniarnerup sivisussusia:

Inuussutissarsiummut tulluartumik ilinniagaqarsimaguit: ukiut pingasut

Ilinniarnertuujuguit: ukiut 4½

Paasisaqarnerorusukkuit una alakkaruk: Teknika.dk/studer-i-sisimiut imaluunniit ilinniartunut siunnersuisarfimmut saaffiginnigit: studievejleder@teknika.dk

PINGAARUTILIK!: Ilinniarnertuunut Sisimiuni sannavimmi ilinniarnermut qinnuteqarnissamut killigititaq: qinnuteqaatit juulip tallimaani nal. 12.00 Optagelse.dk-kkut nassiutissavatit

Ilinniakkap aaqqissugaanera imarisaalu:

Semesterit 1-3-mi (M1-M3) sannavimmi sulineq pillugu teoriit misilittaanerillu ilinniarneqartarput, soorlu maskiinat, saviminilerineq nunami assaanerit. Tamanna sannavimmiinnermik taaneqarpoq. Qaammatini qulingiluani siullerni atuartinneqassaatit, qaammatinilu tulliuttuni qulingiluani suliffimmi misiliissallutit, tassani sannavimmi piginnaanitit suliffeqarfimmi misilittassallugit. Danmarkimi Kalaallit Nunaannilu suliffimmik misilittaasinnaavutit.

Semesterit 4-7-mi (M4-M7) matematikki, fysikki kemiilu pillugit ilisimasatit tamaasa atortariaqarpatit, tassami ilinniakkap professionsbacheloritut immikkoortua aallartissavat. Tassani fagit soorlu termodynamiki tunngaviusoq, innaallagisserinermut tunngasut, sulianik misissuineq aamma automation kiisalu suliniutinut sulisunullu aqutsineq sammissavatit.

Semesterip arfineq-pingajuani (M8) mingutsitsinngitsumik nukissiorneq, Suliffissuarni teknologi, Teknikkimut tunngasunik ingerlatsineq imaluunniit Imarsiornermik aqutsinerlu toqqarsinnaavatit.

Semesterip qulingiluaani (M9) qaammatini pingasuni suliffeqarfimmi bacheloritut suliffimmik misiliissaatit, tamatumalu kingorna bachelorinngussutissat allassallugu. Allaaserisami unammilligassaq imaluunniit ajornartorsiut aalajangersimasoq bacheloritut ilinniakkap ingerlanerani paasisat aallaavigalugu suliarissavat.

Alfredimut allanullu mistalinngortussanut atorfittaarineqarsinnaasut periarfissarpassuaqarput. Nunamimi imaanilu teknikikkut atortorissaarutit aserfallatsaaliornissaannut ikkussuunnissaannullu sulisunik amigaateqartoqangaarpoq.

Suliffeqarfinni Namminersorlutik Oqartussanit pigineqartuni soorlu Royal Arctic Linemi, Royal Greenlandimi, Tusassimi, Nukissiorfinni, Greenland Airportsimi, kommunini, Namminersorlutik Oqartussani suliffeqarfinnilu namminersortuni soorlu Polar Seafoodimi, Inussummi, Permagreenimi il.il.

– Teknikkimut tunngasunik soqutigisaqartariaqarpoq, aamma ilinniarnermi imminut piumaffiginissaq pisariaqalaarpoq

Alfred Mølgaard, mistalinngorlaaq

Imaani nunamiluunniit

Alfred Mølgaard mistalittut ilinniarnikuunermi saniatigut Sisimiuni Aatsitassarsiornermik Ilinniarfimmi Sanaartornermi Maskiinanik ingerlatitsisutut qaarusummilu sulisutut ilinniarsimasuuvoq.

Alfred Mølgaard Aappaluttumi rubinisiorfimmi aamma Nuummi mittarfissualiorfimmi sulinikuuvoq.

Aamma rubinisiorfimmi Nuummilu mittarfiliornermi sulinermik misilittagaqarpoq, nunaminullu uterluni piginnaasani nutaat atornissai qilanaaraa.

– Imaaniissinnaavoq. Aamma nunami. Immaqa Nukissiorfinni allaniluunniit. Qasuersaariarlungalu Qeqertarsuarmut februaarip ingerlanerani ilaquttannut tikeraarnissara naatsorsuutigaara, Alfred Mølgaard oqarpoq, taassumalu inuusuttut matematikkimik fysikkimillu soqutiginnittut tamaasa mistalinngorniarnissamut qinnuteqaqqullugit kajumissaarpai.

Soqutiginninneq, piumaffigisinnaaneq piumassuseqarnerlu

– Teknikkimut tunngasunik soqutigisaqartariaqarpoq, aamma ilinniarnermi imminut piumaffiginissaq pisariaqalaarpoq. Taamaakkanilu ilinniagaq naammassineqarsinnaasarpoq. Uanga naammassisinnaaguma allat aamma naammassisinnaavaat, Alfred Mølgaard oqarpoq, Lyngbymili ilinniarfiup Sisimiuniit allaanerulluinnarnera misigaa.

- Ilinniartut amerlanerujussuupput, atuaqatigiillu amerlanerungaarlutik. Kisianni nikallujuittuarniarsarivunga isumalluartuaannarlungalu, Alfred Mølgaard oqarpoq. Taanna ilinniarnermini angajoqqaaminit, angajuminit aappakuminiillu tapersersorneqarpoq.

– Maanna ilinniakkama naammassinera oqiliallaatigeqaara, nuanneqaaq, Alfred Mølgaard oqarpoq.

Allaaserisaq una Teknikamit tapiiffigineqarpoq

Ilinniarneq pillugu sammisaq uani atuaruk.

inuiaqatigiit inuussutissarsiornermut placed ilinniagaq

Atorfiit tamaasa takukkit

PODCASTI

Powered by Labrador CMS