Mittarfinni teknikkikkut ajornartorsiutit kinguaattoortitsisinnaapput

Greenland Airports Nuummi mittarfimmi isumannaallisaanermi teknikkikkut ajornartorsiuteqarpoq, tamannalu timmisartuussinermut pingasunngornermi sunniuteqarsinnaavoq.

– Nuummi mittarfimmi isumannaallisaanermi misissuinermi aqqut ataaseq suli atorneqarsinnaavoq, taamaattumillu nalinginnaasumit sivisunerulaamik utaqqinissat naatsorsuutigissavat, Greenland Airports nittartakkamini allappoq.

Ingerlatseqatigiiffik naapertorlugu, teknikerit isumannaallisaanermi atortut aaqqinnissai sulissutigaat.

isumannaallisaanikkut misissuinermi utaqqinerup sivisusinnaanera pissutigalungu Nuummiit aallartussat kinguaattoornerannik kinguneqassasoq, taamaalillunilu Air Greenlandip timmisartuutai allat aamma ullup ingerlanerani kinguaattoorsinnaasut, timmisartortitseqatigiiffik Air Greenland ilisimatitsivoq.

Timmisartoqarfimmi nassatanik misissueqqissaarutit teknikkikkut ajoquteqalersimasut, tamannalu isumannaallisaanikkut nakkutilliinermut sunniuteqarsinnaasoq, Greenland Airports sapaatip akunnerata naanerani nalunaarpoq.

Greenland Airportsip nittartagaani unamminartut pillugit nutaarsiassat kingulliit atuarneqarsinnaapput.