KL

DK

Mobilepay kalaallisuunngortinneqartoq

Nunatsinni normut atorlugu MobilePay-itaarsinnaanngorputit.

Mobilepay kalaallit normuinut atorsinnaanngorpoq.
KASSAALUK KRISTENSEN Digitalimik aaqqissuisoq - Digitalredaktør
Published

Kalaallit atuisut namminneq normutik atorlugit ullumimiit Mobilepayeqalersinnaanngorput, aamma app-i kalaallisut tamakkiisumik allassimasoq atorsinnaalerpaat. GrønlandsBanken taama nalunaaruteqarpoq.

Digitalikkut akiliut nutarterneqarpoq, atuisullu Danmarkimi normumik pilersitsinngikkaluarlutik app-imik atuisinnaalerput.

-  Nuannaarutigingaarparput MobilePay maanna kalaallisut oqaasertaqalermat kiisalu najukkami normut atorneqarsinnaanngorlutik. Tamatuma ulluinnarni digitalikkut ingerlaneq ajornaannerulersippaa kiisalu sullitatsinnut akuutitsinerulersillugu, Grønlandsbankenimi niuernermi ineriartortitsinermut pisortaq Ellen Lerch Høj oqarpoq, nangippoirlu:

- Nunani avannarlerni nukittuumik suleqatigiinnerit qanoq isillutik aaqqiissutinik, ulluinnarni naleqalersitsisunik pilersitsisinnaanerinut takussutissiivoq – aamma nunami Kalaallit Nunaattut attaveqaasersuutitigut immikkut illuinnartumik pissusilimmi. Sullitat suli amerlanerusut maannakkut MobilePay-itaarumaartut naatsorsuutigaarput, maanna toqqaannartumik najukkamilu pigineqarsinnaalermat, oqarpoq.

Mobilepay Nunatsinni 2020-mi atorneqarsinnaalerpoq, ullumikkullu 27.401-init atorneqarluni.

digitalimik akiliineq ellen lerch høj mobilepay inuiaqatigiit kalaallit nunaat grønlandsbanken

Atorfiit tamaasa takukkit

PODCASTI

Powered by Labrador CMS