Múte B. Egede Illersornissaqarfiup nunatsinni sulinera pillugu: Ajunngilaq, pitsaanerusinnaavorli

Illersornissaqarfiup nunatsinni illersuinera naammaginannginnerarlugu USA-mit qangali massualerput. Nutaarsiassallu kingulliit qiviaraanni ima sulisussaaleqisoqartigaaq, allaat umiarsuaq alapernaarsuut Hvidbjørnen nunatsinnukarsinnaasimanani. Illersornissaqarfiulli suliassaminik kivitsinera Nunanut Allanut Naalakkersuisup Múte B. Egedep qanoq isumaqarfigaa?

Illersornissamut ministeri Jeppe Bruus nunanullu allanut naalakkersuisoq Múte B. Egede sakkutuujusussaatitaasumik ministerip pingasunngornermi tikeraarnerani oqaloqateqarput.

Foto: Thomas Traasdahl/Ritzau Scanpix

Arnaq Nielsen Arnaq Nielsen tusagassiortoq

Saqqummersinneqarpoq 26. Aggusti 2026 - 17:33

Illersornissaqarfiup nunatsinnik illersuinera naammaginarnersoq nunanut allanut naalakkersuisumut apeqqutigigaanni akissut ersarippoq.

- Ajunngilaq, kisianni suli pitsanngorsarneqarsinnaavoq, Múte B. Egede (IA) taama oqarpoq.

Ussassaarut

Illersornissaqarfiup nunatsinnik illersuinera naammaginarnersoq nunanut allanut naalakkersuisumut apeqqutigigaanni akissut ersarippoq.

- Ajunngilaq, kisianni suli pitsanngorsarneqarsinnaavoq, Múte B. Egede (IA) taama oqarpoq.

Umiarsuit alapernaarsuutit nutaanngilisut, allaallu qamutilii atorsinnaanngitsut nutaarsiassaqartitsiviit allaaserisareerpaat. Kingullerli takkuttoq tassaavoq, umiarsuup alapernaarsuutip Hvidbjørnip inuttassaqannginnini peqqutigalugu nunatsinnukarsinnaannginnera DR-ip ullaaq saqqummiummagu.

- Soorunami Hvidbjørnip maannannginnera, taannaannavik isigigaanni, annertuutut isikkoqarpoq. Taamaattorli Hvidbjørnip suliassai naammassineqartussat naammassineqarlutik ingerlanneqarput. Illersornissaqarfiup umiarsui allat atorlugit tamaaniittoqarpoq, suliassai suliaralugit, Múte B. Egede oqarpoq.

Nukingernarsiartorpoq

Ussassaarut

Illersornissaqarfiullu atortui nutaanngilimmata piaartumik taarserneqartariaqartut naalakkersuisoq isumaqarpoq.

- Unali nukingernarsiartortoq tassaavoq, umiarsuit Hvidbjørnikkutut Thetisikkutut ittut pisoqalisut nutaanik taarserneqarnissaanik alloriartoqarnissaa. Taakkuuppullu massakkut oqaloqatigiissutigalugit ingerlatagut.

Umiarsuillu taakkua sukkanerpaamik taarserneqarnissaat sulissutigineqartoq naalakkersuisup oqaatigaa.

- Pilersaarutaasuminngaanniit qanoq sukkanerusumik naammassineqarsinnaaneri periarfissarsiorneqarsinnaanersoq massakkut misissorneqaleruttorpoq, Múte B. Egede oqarpoq.

Pissutsit allaanerulernikuunngillat

Illersornissaqarfiup atortuisa ullutsinnut naleqqunnerulernissaasa nukinginnarsiartornera arlalinnik peqquteqarpoq. Nunarput nunarsuarmi tamarmit ukkatarineqarpoq. Danmarkillu nunatsinnik illersuinera naammaginanngilluinnartoq USA-mit arlaleriarluni isornartorsiorneqartareerpoq.

USA-llu præsidentiata nunatta illersorneqarnera ilaatigut naammaginagu nunatsinnik tiguaanialersaartuarnera pissutsit allanngorsimannginnerannik ersiutaasoq naalakkersuisup oqaatigaa.

- Pissutsit allaanerulernikuunngillat. Sapaatit-akunnerata siuliini uppernarseqqipparput, tasamani præsidentiata nunatsinnik aqutserusunnerminik allaat ullulersuillunilusooq oqaasertalersuivoq. Pisariaqartitsinerarlunilu, aamma taamatut oqariartuuteqartoq. Taamaammat pissutsit allaanerulernikuunngillat, Múte B. Egede oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.