Naalakkersuisoq sulinngiffeqartoq

Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq, Maritha Broberg (A), napparsimalluni sulinngiffeqartoq, Naalakkersuisut Siulittaasuata Naalakkersuisoqarfia allappoq.

Sulinngiffeqarneq sapaatip-akunnerini pingasuni atuutissasoq naatsorsuutigineqarpoq.

Assi: Oscar Scott Carl

Andreas Wille Andreas Wille Tusagassiortoq

Saqqummersinneqarpoq 14. Oktobari 2026 - 17:47

Ussassaarut

Maritha Broberg napparsimanini pillugu sulinngiffeqarpoq. Naalakkersuisut Siulittaasuata Naalakkersuisoqarfia tusagassiorfinnut allappoq.

- Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq, Maritha Broberg, napparsimanini pissutigalugu sulinngiffeqarnissamik kissaataa Naalakkersuisut Siulittaasuannit Jens-Frederik Nielsenimit akuerineqarpoq, naalakkersuisoqarfik allappoq.

Naalakkersuisup Atassummeersup sulinngiffeqarnera sapaatip-akunnerini pingasuni atuutissasoq naatsorsuutigineqarpoq. Piffissami tassani akisussaaffii imatut agguataarneqassapput:

Isumaginninnermut tunngasut Aningaasaqarnermut Naalakkersuisumit Aqqaluaq B. Egedemit (IA) akisussaaffigineqassapput.

Suliffeqarnermut Ilaqutariinnut Nunamullu Namminermut tunngasut Ilinniartitaanermut, Kultureqarnermut, Timersornermut Ilageeqarnermullu Naalakkersuisumit Nivi Olsenimit (D) akisussaaffigineqassapput.