Naalakkersuisut oqartussaaffii agguaateqqinneqarallarput

Jens-Frederiup Naalakkersuisuisa suliassanik agguataarinerat utaqqiisaasumik aaqqiissutaagallartut allanngortinneqaqqipput, isumaginninnermut, suliffeqarnermut, nunamut namminermut avatangiisinullu Naalakkersuisuusimasup, Bentiaraq Ottosenip (A) tunuarnerata kingorna. Maanna Naalakkersuisut akisussaaffii agguaanneqarallaqqipput.

Asseq: Naalakkersuisut

Jensine Berthelsen Jensine Berthelsen Jensine Berthelsen Tusagassiortoq

Saqqummersinneqarpoq 22. Novembari 2025 - 08:20

Annonse

Naalakkersuisut aalajangerput akisussaaffiit agguataarnerat allanngorteqqikkallarneqassasoq, akisussaaffiit Naalakkersuisut siulittaasuannut, Jens-Frederik Nielsenimut (D), tunniunneqaqqaaraluarput, isumaginninnermut, suliffeqarnermut, nunamut namminermut avatangiisinullu Naalakkersuisuusimasoq, Bentiaraq Ottosen (A), Naalakkersuisut tunuarneranut atatillugu. Tamanna Naalakkersuisut tallimanngornermi tusagassiuutitigut nalunaarutigaat.

Peter, Mads aamma Aqqaluaq suliassaqarnerulerput

Atuakkit aamma:

Jens-Frederik Nielsen tigusisuuvoq akisussaaffinnik Bentiaraq Ottosenimit

Avatangiisinut akisussaaffik Naalakkersuisup Peter Borgip akisussaaffigilerallarpaa. Peter Borgip ataatsimut Naalakkersuisuuffigilerpai Aalisarnermut, Piniarnermut, Nunalerinermut, Imminut Pilersornermut Avatangiisinullu.

Nunamut Namminermut akisussaaffik Naalakkersuisup Mads Pedersenip akisussaaffigilerallarpaa. Mads Pedersenip Naalakkersuisuuffigilerpai Meeqqanut, Inuusuttunut, Ilaqutariinnut Nunamullu Namminermut.

Isumaginninnermut Suliffeqarnermullu akisussaaffik Naalakkersuisup Aqqaluaq Biilmann Egedep akisussaaffigilerallarpai. Aqqaluaq Biilmann Egedep Naalakkersuisuuffigilerpai Isumaginninnermut, Suliffeqarnermut, Ineqarnermut, Attaveqaasersuutinut Isorliunerusunullu.