KL

DK

ASASARA TRUMP...

– Naammatsiffeqanngitsumik peqarusunneq qamuuna iluarusunnginnermik aallaaveqarpoq

Lena Pedersen Qaqortumi 1959-imi inunngorpoq. Taanna USA-p præsidentianut oqariartuuteqarpoq.
Birgitte Kjeldsen Tusagassiortoq
Saqqummersinneqarpoq

Asasara Mr. Trump.

Qaqortumi inunngornikuuvunga Nunatsinnilu najugaqarnera inooqataaneralu nuannarilluinnarlugu.

SUNA TRUMPIMUT OQAATIGISSAGALUARPIUK?

Takorluulaariaruk præsident Donald Trumpip adressea pisimallugu allakkamik nammineq assammik allatannik nassinnissaanut periarfissaqarlutit. Qanoq allaffigissagaluarpiuk?

Trumpimut, USA-mut Kalaallillu Nunaannullu tunngasut tamaasa allatulaaq sammiumallugit Sermitsiamiit inunnik arlaqanngitsunik Donald Trumpimut namminneq allagaqarnissaminnut piffissaqarlutillu kajumittunik pissarserusuppugut.

Peqataanissannut soqutiginnikkuit mailimut uunga allassinnaavutit: bk@sermitsiaq.gl.

Asasara Mr. Trump.

Qaqortumi inunngornikuuvunga Nunatsinnilu najugaqarnera inooqataaneralu nuannarilluinnarlugu.

Nuannarinerpaasakka ukuupput:

 - Pinngortitap minguinnera, nipaannera, silaannarinnera, allanngorarnera, tunisisarnera kusanarneralu.

- Uagut Kalaallit ileqquvullu. Soorlu pingortitaq qanilluinnarlugu inooriaaseqarnerput pingaarteqaara: Pinngortitamut nerisassatsinnik aallertarnerput, pilisarneq, ingattarsernata piujuartitsinerup aqqani.

Uanga pigisaqaraluttuinnarnissara pisariaqartinngilara. Naammaannartunik peqarneq iluaraara. Naluara illit tamakkua paasisinnaaneritit. Kisianni una nalunngilara: naammatsiffeqanngitsumik peqarusunneq qamuuna iluarusunnginnermik aallaaveqarpoq. Perusutaq pigaanni pilluarneq sivikittarpoq, erniinnaq nutaaq pisaarisarput puigoriissavarput nalinginnanngortarlunilu. Pilluarneq avatitsinniinnginnami pilluarneq qamani pigereeratsigu. Taamaammat neriuppunga unikaallassasutit, pinngortitamut nipeqanngitsumukalaartarlutit, illit imminut qamuuna tusarnaarlutit eqqissivillutit.

Qarasat aallaaviginagu, taanna unikaallatsillugu, uummatinneersunik tusarnaarit.

Avataaneersunik amigaateqanngilatit, pisariaqartitatit pigereerpatit.

Lena, Inuk

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

pinngortitaq kære trump donald trump inuiaqatigiit Kalaallit Nunaat

Atorfiit tamaasa takukkit

PODCASTI

Powered by Labrador CMS