Naammitaavaana aput? Novembarimi nalinginnaanngitsumik sila issangiartoq
Nuummi qaammammi matumani ima kialaartigaaq aputaarulluni, silali nillertingajalersoq, DMI ilisimatitsivoq.
Der er faldet en smule slud og sne fredag morgen. Kulden skulle tage til i næste uge.
Foto: Hanna Hviid
Nuummiorpassuit igalaakkut
itsuarnerminni ima eqqarsarsinnaapput: Ukioq manna juullimi
aputeqassanerpa?
Illoqarfiit
pingaarnersaanni ukioq manna siusinnerusukkut apivoq,
aputiqaannarnissalu ilimanarsigaluarluni. Novembarimili silap
issangiarneranik aputaaruppoq.
DMI
naapertorlugu ukioq manna novembari nalinginnaanngitsumik
issangiarpoq. Nuummi novembarimi agguaqatigiissillugu maannamut 1,9
gradinik kiappoq.
1991-imiit
2020-mut novembari tamaat nalinginnaasumik -3,3 gradinik issittarpoq.
Nillertingajalersorli
DMI-mit nalunaarutigineqarpoq. Nuummi ulluni tulliuttuni pingasuni
sisamanilu ississaaq, imaliliorluni nittaannissaa
ilimasaarutigineqarpoq. Sapaatip akunnerata tulliani
ukiorpalaalerluni tallimat qulillu akornanni ississangatinneqarpoq.
Naak
maannamut silassaq ukiornissaanik ilimasaarutigineqaraluartoq
juullimili aputeqassanersoq silasiortut oqaatigisinnaanngilaat.
Kissatsikkiartorpoq
Ukioq
2024 issittumi ukiut kiannerpaaffiisa pingajoraat,
agguaqatigiissillugu ukiumut 1,11 gradimik kiassimalluni.
Novembari
ukiuni qulikkuutaani kingullerni kiannerulaarlersimasoq DMI-mit aamma
ilisimatitsissutigineqarpoq.
1961-imiit
1990-imut novembarimi agguaqatigiissillugu -3,7-nik issittarpoq,
1991-imiillu 2020-mut agguaqatigiissillugu -3,3-nik issilluni —
tassa kissatsikkiartornera annikitsuararsuuvoq.
-
Taamaattumik ukioq manna novembarimi issangiarnera silap pissusiata
allanngoriartorneranik tunngaveqartoq oqaatigineqarsinnaanngilaq,
nalaatsornerinnaavorli Kalaallit Nunaata eqqaani naqitsinerup
qaffasinnerata appasinnerusortaasalu inissisimanerata naapinnerat
pissutaalluni sila maannakkut issangiarnera, DMI-miit Sermitsiamut
allapput.
