Naartunaveersaasersuisimanermi ajunngitsorsianut atatillugu peqquserlunniartoqarnera Naalakkersuisut mianersoqqussutigaat

Ilaatigut Messengerikkut inuit naartunaveersaasersuisimanermi suliamut atatillugu ajunngitsorsianik innuttaasunut peqquserlunniarsaripput.

Mariane Paviasen Jensen meeqqanut, inuusuttunut, inatsisit atuutsinneqarnerannut naligiissitaanermullu naalakkersuisuuvoq.

Assi: Oscar Scott Carl

Hanna Hviid Hanna Hviid Tusagassiortoq

Saqqummersinneqarpoq 11. Septembari 2026 - 14:28

Ussassaarut

Arnat 1992-p kingorna akuersiteqqaarnagit naartunaveersaaseqartut Namminersorlutik Oqartussanut ajunngitsorsianik qinnuteqarsinnaapput.

Maannali peqquserlunniartoqalerpoq, taamaaliornermi inuit ajunngitsorsianut atatillugu innuttaasunut peqquserlunniarsaripput. Tamanna ilaatigut Messengerikkut saaffiginninnikkut pivoq.

Taama Naalakkersuisut tusagassiuutinut nalunaarummi allapput.

- Taamaammat taamatut saaffiginnittoqarnerani inummut paasissutissanik paasissutissanilluunniit mianernartunik tunniussisoqannginnissaanik Naalakkersuisut kaammattuipput.

Inuit ajunngitsorsianik qinnuteqarsimasut qinnuteqaataat pillugu Messengerikkut attavigineqarnaviannginnerat, Naalakkersuisut ilanngullugu erseqqissarpaat.

Ussassaarut

Taakku pasinartumik saaffiginnissummik tigusaqarsimagaanni Frederiksen Law post@frederiksen.gl -ikkut oqarasuaatilluunniit normuatigut 34 19 91-kkut saaffigineqartarnissaa kaammattuutigaat.